Dodadi 41:52 - O GIKIMOI AWI JAJI ma BUKU

⁵² De ma ngopa wononongoru gena ma wakil wisirongali o Efraim (gena ma ngale o loha idala tamake), de wotemoli, “Towisironga magena sababu o doku manenaka, ngaroko ngohi idodomaka isangisaraka, duma kanena asa o Gikimoi o bi loha foloi idala woihike ngohika.”

Dodadi 41:52 ပူးပေါင်းရင်းမြစ်များ

Dodadi 17:6

Ngohi asa tonihike ngonaka ani ngopa de ani dano yadala icarawa so ona magena lo asa imadadi o bi bangsa o dunia ma dokuka, de to ona manga sidongirabano ma binuka lo done asa idadi kolano.

Dodadi 28:3

Tongongano de togolo tanu o Gikimoi Wilalamo asa Awi laha wosidumu ngona de ani pedekaka, la asa nipuo sidago lo ani ngopa de ani dano done ifoloisi idogo de yadala. La ma ngale ani ngopa de ani danoku done asa yobuo-buo sidago manga bangsa ma bolu gena yadala o duniaka.

Dodadi 41:51

De ma ngopa woriria gena ma wakil wisironga o Manasye (gena ma ngale tosininga kawa), de wotemo, “Magena towisironga sababu ai ngopa magena o Gikimoi woihike la ngohi aku ai sangisara de lo ai baba awi tahu tosininga kawa.”

Dodadi 41:53

Bolo, so o taungu tumudingi de o gugutu ilalamo gena ipasaka.

Dodadi 48:1

La o moi-moi magena ipasaka de kanaga o nyawa iwisingangasu o Yusufka itemo, “Tuan, ani baba gena wopanyake.” So o Yusuf wotagi awi ngopa yasinoto o Manasye de o Efraim wangoso de ona yaruwange gena ikahika ma baba o Yakubka.

Dodadi 48:14

Wangahoka, de ngaroko o Efraim gena wononongoru, duma ma baba awi gia ma girina gena ka o Efraim awi saheku wahado. De awi gia ma gubali gena wahado woriria o Manasye awi saheku, so awi gia gena wositagalika.

Dodadi 48:5

So, ai ngopa Yusuf, ani ngopa yanau yasinoto o Manasye de o Efraim ma orasi ngohi o Mesirno tahino waasi de yasibuoka, ona magena o orasi manena imatero de to ngohi ai ngopa masirete. So maro ai ngopa o Ruben de o Simeon gena done ai pusaka magena yamake, so ona lo maro ai ngopa masirete so done ai pusaka lo yamake.

Dodadi 49:22

Yusuf, done ngona manena ani ngopa de ani dano idala, sidago yodobiau o doku ma somoaka igoge o bi tona ma sigilolika. Maro o ake ma lako ma dateka kanaga maro o gumi o rarao moi, ma sago ka idala isangi ikiloli.

Dodadi 50:23

Komagena so una wooho sidago o Efraim awi ngopaku to una awi dano manga ngopa-ngopa lo gena ka wakelelosi. De sidago lo awi dano o Makhir, ena gena o Manasye awi ngopaku, to una awi ngopa-ngopa ona magena lo wadehe de lo wasigoge awi tahu ma rabaka, maro ka to una awi gianongoru masirete.

Rasul 7:10

so wisisupu o sangisara ma gia ma sohano. De ma orasi o Yusuf wahika ma Firaun o Mesir manga kolano wirisima, de wamake o Gikimoino o loa de o cawaro, sidago ma Firaun o Yusuf witide la wopareta o Mesir ma tonaka de lo ma Firaun awi kadato ma raba dangodu wapareta.