Dodadi 41:41 - O GIKIMOI AWI JAJI ma BUKU

⁴¹ Mutuwade o orasi manena dabolo ngohi ngona tonitideka, la ngona gena aku o Mesir ma bi doku dangodu napareta.”

Dodadi 41:41 ပူးပေါင်းရင်းမြစ်များ

Dodadi 39:22

Komagena so o Yusufka o bui wopopareta o kuasa iwihike unaka, la una wosiaturu o bui ma nyawa yangodu de manga manara moi-moi ona bilasu yaaaka.

Dodadi 39:5

So ato witide daboloka, de ka ma ngale Yusuf gena o Jou asa Awi laha wosidumu o jojaga manga bobareta una magenaka. Wosidumuka, so una awi moi-moi dangodu idadi daloha, bai awi raki gena isopo daloha, bai awi alamu foloisi idogo-dogo.

Dodadi 41:44

So kagena de ma kolano o Yusufka wotemo kali, “Ka ngohi manena tokolano de ka ngona nomatengo to ngohi ai wakil, so ngohi tonisimaha la o Mesir ma nyawa yangodu o bi moi-moi aku yaaka, hitilahi ngona nopareta.”

Dodadi 42:6

O Mesir manga kolano awi wakil, gena awi ronga o Yusuf, una o ino wosiija o bi doku dangodu ma bi nyawaka. So ma orasi awi ria-ria o Mesirka imasidiado de wirisima ma wakil una magenaka, so ona o Yusuf awi simaka ibukuku de manga suba yatide unaka.

Dodadi 45:8

So nakoso ngohi isulo la tahino todomano gena, upa nitemo ma ngale ngini, duma o Gikimoi Una masirete asa woisulo. De Una magena lo woisitatapuka de woitideka, la ngohi asa ma Firaun aku towisidoduduga, de lo maro ma Firaun awi nyawa yangodu manga tuan de awi wakil moi la ngohi tapareta o Mesir ma bi doku dangodu.

Matius 28:18

So kagena de Una womasidate onaka, de watemo, “O kuasa o sorogaka de lo o duniaka gena dangodu ihike Ngohika.

Rasul 7:10

so wisisupu o sangisara ma gia ma sohano. De ma orasi o Yusuf wahika ma Firaun o Mesir manga kolano wirisima, de wamake o Gikimoino o loa de o cawaro, sidago ma Firaun o Yusuf witide la wopareta o Mesir ma tonaka de lo ma Firaun awi kadato ma raba dangodu wapareta.