Dodadi 41:16 - O GIKIMOI AWI JAJI ma BUKU

¹⁶ Duma o Yusuf wotemo, “Hiwa! Ai kolano ma Firaun tonihohoromati, cawali o Gikimoi de asa o doguruga ma ngale gena wanako de Una masirete asa ani doguruga ma ngale gena wonisingangasu ngonaka.”

Dodadi 41:16 ပူးပေါင်းရင်းမြစ်များ

Dodadi 40:8

“Kaputuka de ngomi misinoto mitoguruga, duma kanaga o nyawa moi lo yanakowa mia doguruga ma ngale so misingangasuwa ngomika.” Kagena de una wotemo, “Ma ngale dangodu gena o Gikimoi ka wanako so asa ngoneka wonasingangasu. So nako daloha ilaku, de hika nia doguruga magena nisijarita ngohika.”

Dodadi 41:17

Komagena so ma kolano wotemo, “Nakoso komagena, de ai doguruga manena tonisijarita kasi. Kanaga ai doguruga ma rabaka takelelo gena ngohi tomaokoye o Nil ma Selera ma dateka.

Dodadi 41:25

Kagena de o Yusuf wotemo unaka, “Ya, Firaun, ani doguruga de ma ngale gena ka imaketero. De magena maro o Gikimoi kanaga wonisingangasu ngonaka, done o kia naga asa waaka.

Dodadi 41:28

Komagena so o Gikimoi done asa o kia waaka gena idomaka wonisingangasu ngonaka, maro o demo kia ngohi tonisingangasu ngonaka.

Lukas 19:42

Una wotemo, “Kodo! Ngini o Yerusalemka, kodo! Ka daloha nakoso o wange manena ngini nianako o kia aku o dame inigaho nginika. Duma dangodu magena nisikelelowa.

Rasul 3:12

Ma orasi o Petrus wakelelo o bi nyawa ona magena, de una wotemo onaka, “He, ai gianongoru de ai awabira! Upa lo niohairani ma ngale o hali idadadi manena. Upa lo nimaginano ngomino. Dadoohaso ngini nia sininga ma rabaka itemo, o nyawa una magena aku wotagi sababu de to ngomi mia kuasa masirete, eko nagala de to ngomi miaaka o bi moi-moi o Gikimoi wodudupa.

Rasul 3:7

So kagena de o Petrus wolulugu awi gia ma girinaka wacoho de wiriwo so iwisioko. O orasi magena dabolo de awi dohu ma bobolo de awi pupuku daputuruka,

1 Korintus 15:10

Duma ma ngale o Gikimoi Awi laha so ngohi kanaga aku todadi maro o Jou Yesus Awi rasul moika. De lo to Una Awi laha gena, to ngohi ai oho ma rabaka kanaga de ma sopo. Ngohi gena tomanara foloisi datubuso de o bi rasul ma binuka. Ngaroko igogou ngohi tomanara datubuso, magena to ngohi ai buturu dasowo, duma o Gikimoi Awi laha kanaga ngohi isiputuru.

2 Korintus 3:5

Ngomi o manara magena miaaka miaakuwa de ka mia buturu masirete bato. Duma ka o Gikimoi womatetengo kanaga womisiputuru ngomika.