Dodadi 4:8 - O GIKIMOI AWI JAJI ma BUKU

⁸ Kagena de ma ria magena womaoko wotemo awi nongoruka, “Habel, hino o pongaka potagi.” Ona yasinoto itagi so imasidiado o pongaka, de gila-gila ma ria magena witooma ma nongoru so wosoneka.

Dodadi 4:8 ပူးပေါင်းရင်းမြစ်များ

Dodadi 4:25

Ma orasi o Habel witooma de wosoneka, de o Adam de ma pedeka imasikiidu kali. So muna morohe de mowisibuo o ngopa yanau moili. So motemo, “Sababu o Habel o Kain witoomaka, so o Gikimoi o ngopa yanau moi ka woihike kali.” So mowisironga o Set, ma ngale o Gikimoi Awi laha wosidumu.

Lukas 22:48

Duma o Yesus wotemo unaka, “He, Yudas! So de ani hame gena ngona nodupa noisiija Ngohi, o Nyawa ma Duhutu!”

Ibrani 11:4

Ma ngale o Habel awi piricaya so una watide awi suba moi o Gikimoika kiaka ifoloisi daloloha de awi ria o Kain awi suba. Ngone panako una wopiricayaka, sababu ma orasi awi suba gena o Gikimoi wadehe daloha, de Una wotemo igogou o Habel gena awi sininga itiai. De ngaroko ipasaka de una wosoneka, duma awi piricaya sidago o orasi manena so idadi o simodoto moi ngoneka.

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

Yudas 1:11

Ona yobodito, awalele! Sababu o ngeko idodomaka o Kain wamomote ona lo yamote. De sababu o pipi yodesere, so ona lo o dorou yaaka de yamote maro o Bileam awi sala. De lo maro o Korah idodomaka, komagena ona lo o Gikimoi wiholu so done asa ona dede Una imakitingaka.