Dodadi 4:10 - O GIKIMOI AWI JAJI ma BUKU

¹⁰ So o Jou wobicara wotemo, “Ce! Ani nongoru o Habel nowitooma so wosoneka. Awi au o tonaka tamake imatero maro awi ili ma dagali iaso Ngohika igolo la tafanggali.

Dodadi 4:10 ပူးပေါင်းရင်းမြစ်များ

Dodadi 18:20

So kagena o Abrahamka gena o Jou wotemo, “Abraham, kanaga toise o galaki datotubuso moi o Sodom de o Gomora ma bi nyawaka gena ma ngale to ona manga dorou ilamo poli.

Dodadi 3:13

So o Jou Gikimoi wotemo munaka, “Ngona o kia naakaka.” De motemo, “O ngihia magena ibaja so o sopo magegena taodoka.”

Dodadi 9:5

De Ngohi o nyawa taaka de manga jamani tositero maro Ngohi, so tinisimahawa ngini gena upa o nyawa moi lo niatooma. O nyawa moi nakoso o nyawa yatooma de ona magena lo bilasu o nyawa yatooma. Eko lo o haiwani moi nakoso o nyawa yatooma de o haiwani magena lo bilasu yatooma.

Rasul 5:3

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika.

Rasul 5:9

So kagena de o Petrus wotemo munaka, “Dadoohaso ngona de ani roka nimafakati so o Jou Awi Gurumi niwidahake niwikulai, la upa o fanggali niamake. Hika ani ngau naleo de noisesi! O bi nyawa ani roka wipopoosu gena he ilihoka, so ngona lo done nimoku de nisisupu.”

Ibrani 11:4

Ma ngale o Habel awi piricaya so una watide awi suba moi o Gikimoika kiaka ifoloisi daloloha de awi ria o Kain awi suba. Ngone panako una wopiricayaka, sababu ma orasi awi suba gena o Gikimoi wadehe daloha, de Una wotemo igogou o Habel gena awi sininga itiai. De ngaroko ipasaka de una wosoneka, duma awi piricaya sidago o orasi manena so idadi o simodoto moi ngoneka.

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

Yakobus 5:4

De lo to ngini nia doro ma tamo o nyawa yautu de yakobuka, de kanaga to ona manga sewa gena niholu niahike. Hika niisesi. Ona asa imatoore de manga ridemo o Jou Wilalamo lo Una magena woiseka.