Dodadi 39:3 - O GIKIMOI AWI JAJI ma BUKU

³ So o kia asa idadi gena o jojaga manga bobareta una magena dangodu wanako. Wakelelo de wanakoka, de wotemo, “Awalele! O ngopa una manena awi Jou Gikimoi kanaga dede una so o moi-moi o kia bato waaaka gena dangodu ka idadi daloha.”

Dodadi 39:3 ပူးပေါင်းရင်းမြစ်များ

Dodadi 21:20

So o Gikimoi asa kanaga dede ami ngopa o Ismael una magena. O Paran ma tona ibobeleuka kagena wogoge de sidago lo una wilamo. Una gena wocawaro o sihode wosisari so awi manara gena ka wodidiha moi.

Dodadi 21:22

De o orasi magena lo kagena o Abraham una magenaka ma kolano o Abimelekh de lo awi prajurit manga kapita moi o Pikhol ona yahino gena itemo, “Igogou, o Gikimoi kanaga dede ngona so ngona gena o moi-moi aku naaka de dangodu gena ka idadi daloha.

Dodadi 21:23

So o Gikimoi Awi simaka de bilasu ngona nosasi gena igogou ngona gena, ma deka mia tonaka nogoge, de upa lo nomiaka datorou ngomi manenaka bai ngohika, bai ai ngopa-ngopaka, de bai lo ai danoku. Imatero maro to ngohi ai sininga ma loha ngonaka gena he idomaka, naaka komagena ma meta ngohika.”

Dodadi 26:24

So o putu magena de o Jou Gikimoi womasimane o Ishakka de wotemo, “Ngohi manena ani baba o Abraham awi Gikimoi so upa ngona nimodo, sababu Ngohi asa kanaga dede ngonaka de Ai laha tonihike ngonaka, komagena lo taaka sidago ani ngopa de ani dano asa dala icarawa, sababu magena to Ngohi Ai jaji moi Ai nyawa woisigogise o Abrahamka.”

Dodadi 26:28

Kagena de ona isango itemo, “O orasi manena asa ngomi mianako ma diai gena igogou ngona gena kanaga o Jou wonimote-mote, so nakoso nomode de to ngomi mia dupa gena tanu hino la ngone pomakajaji de lo pomatekesikasasi.

Dodadi 30:27

Duma o Laban wotemo unaka, “Dangodu magena maha de to ngona ani sininga ma loha ngohika. Sababu o nonako tamake de tanakoka, igogou o Jou Gikimoi Awi laha ilamo ngohika gena ma ngale ngona lo kanaga ai tahu ma rabaka.

Dodadi 30:30

Sababu aku nositero ma orasi ngohi tahino waasi gena idodooha to ngona ani biara ma dala, de kanaga ma orasi ngohi tojaga de palihara gena ani kabi de ani duba foloisi idala. Gena ma ngale o Jou Awi laha wodogo ngonaka ma orasi ngohi togoge ani tahuka. So muruoka de asa aku ngohi tomanara ma ngale to ngohi ai pedeka de ai ngopa-ngopa manga oho o orasi ma simaka.”

Dodadi 39:2

De o Mesir ma jojaga manga bobareta kagena awi tahuka gena, o Jou lo kanaga dede o Yusuf. So o Yusuf una magena o kia o moi-moi waaaka gena ka idadi daloha.

Dodadi 39:21

Ngaroko kagena o buika wogoge, duma o Jou kanaga de o Yusuf de Awi laha lo iwihike unaka. So o bui wopopareta una magena o Yusuf iwingaho daloha.

Dodadi 39:23

Dangodu magena waaturu so o bui wapopareta una magena he wafikiri kawa. Sababu o Jou gena kanaga de o Yusuf, so o moi-moi o kia-kia bato waaaka gena dangodu ka idadi daloha.

Matius 5:16

Maro o doku moi o tala ma dokuka de o poci moi o dadamika o nyawa yangodu ka yakelelo, komagena ngini lo o loha niaaaka aku o nyawa yangodu yakelelo de ona lo nia Baba o sorogaka aku wisigiliri.”

1 Korintus 16:2

Ena gena, o Nahadi ma Wange isigeto-geto ngini ningodu bilasu o pipi nia tahuka niadiahi, ngini moi-moi nia regu gena imomote o kia ma lamo niamamake. O pipi magena niadiahi sidago ma orasi ngohi done tahino nginika. Upa sidago ngohi kagena tomasidiado, de o orasi magena asa o pipi nitolomu.

Gogelelo 3:9

De o nyawa nagoona o Iblis wimomote gena yatodamatoko de itemo igogou ona gena o Yahudika ma nyawa, ena momongo ona o Yahudika yasowo, ona magena asa Ngohi tasulo la bilasu yahika nginika. De to ngini nia simaka bilasu ona ibukuku, de ona asa yanako gena igogou-gogou Ngohi manena tinidodara nginika.