Dodadi 38:9 - O GIKIMOI AWI JAJI ma BUKU

⁹ Duma ma nongoru gena womanako done ma duuruka de o ngopa magena maro to una awi ngopa dasowo. Awi sininga komagena, so nakoso ona imasikiidu de ma ria ma balo magena, so una woholu o ngopa moi wosidadi, ma ngale ma ria ma balo gena upa lo o ngopa mamake.

Dodadi 38:9 ပူးပေါင်းရင်းမြစ်များ

Dodadi 38:10

So de awi manara komagena waaka foloi datorou, sidago lo o Jou witoosa so ma nongoru lo witotooma kali.

Titus 3:3

Sababu idodomaka ngone masirete lo pofuma, so poholu o Yesus powipiricaya, de pamote ka o ngeko isasala, sidago lo o nyafusu ma dorou gena foloi podupa so bilasu ka paaka. So o orasi isigeto-geto ngone ka o dorou paaka de nanga edekati o nyawa manga bi moi-moi panyafusu poli, sidago lo o nyawa inaduhudu so ngone de o nyawa ma somoa pomatekesikoholu.

Yakobus 3:14

Duma kanaga ngini nia sidongirabaka la nakoso o nyawa manga siningaka de o nyawa yalalago asa yaholu de yadoosa ifoloi, de manga dupa gena ma ngale ka ona masirete imasihie de foloisi imasilamo de o nyawa ma binuka, upa lo o nyawa ona magena yotemo, “Ngohi manena o nyawa tococawaro moi.” Nakoso manga bicara komagena, ona magena asa ka yokulai so yamotewa o dodoto itotiai.

Yakobus 3:16

So ma orasi o nyawa la kanaga o nyawa yalalagoka yaholu de yatoosa, de lo manga ngale gena ka ona masirete imasihie de foloisi imasilamo de o nyawa ma binuka, de kanaga lo asa imarimoi kawa so imatekesikoholu de lo ka yaaka maro o moi-moi dangodu datotorou.

Yakobus 4:5

O Gikimoi Awi Jaji ma Buku ma demo gena igogou de itero itemo, “Una Awi Gurumi ngone nanga sininga ma rabaka wosingosaka, magena foloi wonadupa ngoneka la podadi to Una Awi nyawa masirete. So upa sidago o Gikimoi Awi nyawa masirete de ngone Una powidongosa.”