Dodadi 32:9 - O GIKIMOI AWI JAJI ma BUKU

⁹ Kagena de o Yakub wotemo, “Ya Jou, ai ete Abraham de ai baba Ishak lo manga Gikimoi. Ngona masirete nosulo ngohika notemo, ‘Notagi de noliho ani doku de ani soaka de ani ria de ani gianongoruka, la done asa tonihike o loha ngonaka.’

Dodadi 32:9 ပူးပေါင်းရင်းမြစ်များ

Dodadi 17:7

De Ngohi manena gena todadi to ngini nia Gikimoi de to Ngohi Ai jaji magena asa tacoho tagogou dede ngona, de komagena lo ani ngopa de ani danoka gena itagi gila-gila ka sidutu ikakali.

Dodadi 28:13

De wikelelo o Jou lo Awi simaka de wotemo, “Ngohi manena ani ete de nitopora o Abraham awi Jou Gikimoi de lo o Ishak awi Jou Gikimoi. O tona kiaka ngona nomaiiduka o orasi manena gena done asa tonihike ngonaka, de lo ma bati ani ngopa de ani dano, sidago lo ani galaweweku.

Dodadi 28:15

Igogou-gogou, ngona asa Ngohi tonidodiao de ngona asa Ngohi tonitaru, maro o dadaru taloloha moi ani dodagi ma rabaka de kiaka bato ngona nokahika. De Ngohi asa tonidiko de toningaho, la tonisigiliho kali o tona magenenano asa nokahino kali. Sababu Ngohi gena tonidongosa kawa, duma Ngohi bilasu taaka maro o kia Ngohi tonijaji dabolo ngonaka.”

Dodadi 31:13

Ngohi manena to ngona ani Gikimoi, ma orasi o Betelka de ngona o tugu moi naaka o tetono de o gososo dabobou nosidahuka, ma ngale ani suba de ani sasi naaka Ngohika. So o orasi manena hika nomasidailako, la ngona bilasu nosupu de o doku manena nodongosa, de noliho ani ria de ani gianongoru manga dokuka.’ ”

Dodadi 31:29

Ngona manena gena ngohi tonipareta so aku o dorou moi taaka ngonaka, duma ani baba awi Gikimoi kaputuka wosidapano dabolo ngohika wotemo, ‘Nomasitiari daloha la o demo datotorou ma depi moi lo upa nosigangamo o Yakubka.’

Dodadi 31:3

So o Jou Gikimoi wotemo o Yakubka, “Hika la ngona noliho de notagi ani baba, de ani ete de ani topora, de lo ani ria de ani gianongoru manga tonaka, de Ngohi lo asa kanaga dede ngona ani dodagi ma rabaka.”

Dodadi 31:42

Posibicara patotiai, nakoso ai baba Ishak de ai ete Abraham manga Gikimoi wisusuba gena ai oho ma rabaka woidodiaowa, nagala aku noidusu la ngohi toliho de totagi lo ai arata ihiwa-hiwa. Duma ai gangela de ai sangisara o Gikimoi wanako so woisidailako lo daboloka, de kaputuka asa wonisidapano dabolo ngonaka.”

Dodadi 31:53

De lo togolo tanu o Abraham de o Nahor manga Gikimoi, Una magena to ngone nanga baba manga Gikimoi, done asa idadi hakim ngoneka.” Kagena de o Yakub wosasi ma ngale awi baba o Ishak to una awi Gikimoi wisusuba.

Dodadi 32:8

Sababu awi sininga ma rabaka itemo, “Nakoso ai ria de awi nyawa la yahino woikudoti gena, ngaroko o bolu moi itura de yatooma so yahiwaka, duma kanaga o bolu moi ka iohosi.”

Dodadi 49:25

Gikimoi Una gena wonijaga wonisisalamati ngona. O Jou Wilalamo wosidumu Awi laha. Gena o ake o dipaku de o tonaye, ani ngopa de ani dano done ka yadala.