Dodadi 32:4 - O GIKIMOI AWI JAJI ma BUKU

⁴ Yakub wosulo, “Ngini bilasu nitemo komanena ai riaka. Ani nongoru womahadoku de wonihoromati gena awi demo komanena, ‘Ngohi he ma dekaka totagi de togoge o Laban awi tahuka maro o nyawa itatagino moi sidago o orasi manena de asa todupa toliho.

Dodadi 32:4 ပူးပေါင်းရင်းမြစ်များ

Dodadi 23:6

“Baba igogou, ngomi gena minisigise daloha ngonaka. Ngona manena o roriri moi nococawaro to ngomi mia sidongirabaka bai! So, baba, hino la ngona ani pedeka nomipoosu to ngomi mia boosu daloloha moi gena miaka lo daboloka. Ma ngale so ani pedeka ami boosu gena ngomi misidailako lo de mia sininga isosanangi.”

Dodadi 25:30

Sababu wisapi poli so una wogolo wotemo wononongoruka, “Ai nongoru, ngohi isapi poli. Kodo! Tanu ani kupuo dasosawala magena sutu noihike.” Ma sababu komagena so una wisironga lo o Edom. (Nako o bahasa Ibrani ma demo “Edom” gena ma beto he imatero de o demo moi de ma ngale gena dasosawala.)

Dodadi 27:29

Tanu o bi bangsa de o bi soa dangodu inisigise de ileleani cawali ngonaka. Nomatamiye la napareta ani nongoru de ani gianongoru, ani awano ma ngopa de ma danoku yangodu. Nagoona la igolo o Gikimoi wonikutuku, ona masirete Awi kutuku ka yadahe. Nagoona la igolo o Gikimoi Awi laha ngonaka, ona magena lo Awi laha asa ka yamake.”

Dodadi 27:37

De ma baba iwisango ma ngopa woririaka wotemo, “Igogou-gogou, towitide lo daboloka la una asa wonipareta ngona, de ani gianongoru yangodu lo asa idadi to una awi nyawa iwileleleani, de lo o tamo de ma pola de o bi anggur yaaaka lo towisitodihikeka. Kodo, ai ngopa! Mutuwade ma ngale ngonaka, gena o kia naga moi lo he idadi kawa taaka la tonihike ngonaka.”

Dodadi 31:41

Komagena ma deka o taungu monahalo togoge ani tahuka. Ena gena, ma deka taungu mogiowo de iha tomanara ma ngale ani ngopa o ngopedeka yasinoto noihike tomasipedeka, de lo tomanara o taungu butanga ma ngale ani biara o kabi de o duba noihike ngohika. De kanaga he ma para ma mogiowo dabolo ngona ai gaji natagali de ani akali ma dorou.

Dodadi 32:18

de ngona nosango notemo, ‘Manena ai baba o Yakub awi biara de manena gena awi suba moi ngonaka, so wonihike ngonaka de awi horomati moi ngonaka, so mia baba lo una kagena naga mia duduno wototuuru.’ ”

Dodadi 32:5

So kanaga to ngohi de ai sapi, keledai, kabi eko o duba de lo ai gilalo ileleani yanau de o ngopedeka. So ai nyawa tasulo ona inisingangasu ngona tonihohoromatika, la tanu ngona aku ai sala nosininga kawa de noidehe daloha.’ ”

Dodadi 33:14

So dohaka bato la ngona notagi nodomaka de ngomi asa mituuru, ma ngale ngohi asa totagi tomamehe-mehe mote ai haiwani ma ngopa ma lagu de ai ngopa-ngopa tadiko de mimasiwowoma, sidago lo o Seir ma tonaka mimasidiado.”

Dodadi 33:8

De ma ria asa wotemo, “Ani edekati o kia ngohika, so kangano ngomi mimakamake de to ngona ani nyawa de ani biara sidago o bolu muruo naga.” De ma nongoru wosango wotemo, “Magena ngohi tonihike ngonaka ma ngale tanu ngona nodupa ngohi noidehe daloha-loha de ai sala lo he nosininga kawa.”

Dodadi 36:8

Mutuwade woriria o Esau, eko o Edom, una gena wositatapu una o Seir ma bi talaka kagena asa wogoge.

Dodadi 36:9

Ona manena o Esau awi ngopa-ngopa de awi dano gena o Edomka ma nyawa yasibou o Seir ma bi talaka.

Dodadi 4:7

Ngona nanakoka, nako o loha naaka de asa nosanangi. Duma nako o dorou naaka de o dorou asa ininihi-nihi la nitooma maro o lalahekana yanihi la yagoli o haiwani bi uudu. So hika nomasidodiahi la asa o dorou natooma.”

Lukas 14:11

Sababu o nyawa la kanaga imasihie, ona magena o Gikimoi asa wasiceke, de lo o nyawa la kanaga imasiceke, ona magena o Gikimoi asa wasilamo.”

1 Petrus 3:6

Maro ongo Sara, muna lo o Abraham mowisigise de lo ma ngale mowisihoromati so muna mowiaso ami tuangi. De ngini lo nidadi maro to muna ami ngopa-ngopa, nakoso nimimote so o loha niodupa niaaka de lo nako nisangisara gena upa nimodo.