Dodadi 3:5 - O GIKIMOI AWI JAJI ma BUKU

⁵ Una wanako nakoso o sopo magena niaodo de o orasi magena asa o loha de o dorou nisinako, so done nimaketero dede Una.”

Dodadi 3:5 ပူးပေါင်းရင်းမြစ်များ

Dodadi 2:17

cawali o gota o hutu moi magena o loha de o dorou o nyawa yasinanako gena, o sopo magena upa naodo. Nako naodo done o orasi magena dabolo ngona nosone.”

Dodadi 2:9

Kagena o Jou Gikimoi wosioho o bi gota idala, o gota dangodu magena panano daloha de ma sopo lo daloha so aku paodo. De lo o doro ma dongirabaka wosioho o gota ngai sinoto, ena gena o gota moi ma sopo o nyawa aku de yaodo yasioho so isonewa, de o gota moi ma sopo o nyawa o loha de o dorou yasinako.

Dodadi 3:10

De wosango wotemo, “Ngohi Ani dipipi toiseka, duma imodo so toloda tomamingihuka, sababu ka tomawatoka.”

Dodadi 3:22

De o Jou Gikimoi wotemo, “So komagena o nyawa una magena wiaka so una imatero maro Ngone, de wanakoka o loha de lo o dorou. Duma una towisimaha kawa wotagi o gota isiooho magenaka la upa sidago ma sopo magena wadehe kali la waodo so awi oho ka sidutu ikakali.”

Dodadi 3:7

Ato yaodo dabolo de imatodoka ona yasinoto imanako ka imawatoka. So o ara ma gota ma soka magena yadehe so yauri yaaka manga baro.

Matius 6:23

Duma nakoso ngini nia lako datorou, de ngini nia ginano lo dafaja de datorou. So nakoso o Jou la kanaga nia sininga wosidisiwaka, de ngini niaaka so nia sininga dapuputu kali, so nia sininga gena maro o sakaputu yasaoka.

Rasul 26:18

ma ngale onaka nadoto sidago manga sininga ma rabaka yanako igogou de itiai, so o Iblis he yapareta kawa la o Gikimoi manga sininga wapareta, imatero maro o nyawa o bubutu ma rabano isupu de iwosa o nita ma rabaka. De ma ngale manga piricaya Ngohika so manga dorou lo asa Una wosiapongu so ona yatebika, de asa wasingosa o bi nyawa wahihiri manga sidongirabaka.’

2 Korintus 11:3

Duma ngohi foloi tohawateri, upa sidago ngini gena o nyawa inikulai so ngini ma Kristus niwipiricaya duma nia sininga igogou kawa. Maro ongo Hawa idodomaka o ngihia ma cawaro wogaka de ma edekati datorou so imibaja de moturaka.

2 Korintus 4:4

Ona gena yopiricayawa, sababu o Iblis o dunia manena wapopareta gena manga sininga wosigamamu, de lo wosipilo la o habari daloloha ma nita magena asa yakelelowa. So ona yanakowa ma Kristus wokokuasa, kiaka wisitetero de o Gikimoi.

2 Tesalonika 2:4

Sababu una magena asa o Gikimoika wilawangi de lo womacaralamo sidago wotemo una wolamo maro o giki womatengo, so una foloisi womasilamo de womasitetero koloko o nyawa manga giki de manga moi-moi yasusuba. So komagena una asa o Gikimoi Awi Tahu ilalamoka o Yerusalem ma kotaka wowosa de kagena womatamiye, so womasilamo de o nyawa yadadala manga simaka wokulai de wotemo una masirete igogou o Gikimoi.

Gogelelo 13:14

So komagena o haiwani ma nonomaka ma simaka de o nonako ihahairani yaaka gena, isimaha so o haiwani ma sinotoka magena asa o bi nyawa ona o duniaka igogoge gena yakulai. De asa o haiwani maena isulo o nyawa ona magenaka la ma ngale bilasu isihoromati o giki de manga gia isiaka ma dulada gena de ma bio maro o haiwani ma nonomaka, kiaka o sumarangi yadaboka duma ka iohosi.

Gogelelo 13:4

Komagena so o naga magena o haiwani moika isikuasaka, so asa o naga magena ona yasuba de lo o haiwani magena yasuba kali de itemo, “He! O kuasa moi lo ihiwa imatero maro o haiwani magena ma kuasa. O nyawa nagoona lo yaakuwa yokudoti ma ngale yalawangi o haiwani magena.”