Dodadi 28:3 - O GIKIMOI AWI JAJI ma BUKU

³ Tongongano de togolo tanu o Gikimoi Wilalamo asa Awi laha wosidumu ngona de ani pedekaka, la asa nipuo sidago lo ani ngopa de ani dano done ifoloisi idogo de yadala. La ma ngale ani ngopa de ani danoku done asa yobuo-buo sidago manga bangsa ma bolu gena yadala o duniaka.

Dodadi 28:3 ပူးပေါင်းရင်းမြစ်များ

Dodadi 1:28

De o Gikimoi Awi laha wosidumu o nyawa ona magenaka wotemo, “Tinihike o buturu la o ngopa asa nisibuo la ifoloi nidala de o dunia niawedo de o dunia ma raba niapareta. Komagena niapareta o bi nao o teoka, de o bi namo isososo o ngawa-ngawaka, de lo o bi haiwani itatagi o dududuka.

Dodadi 13:16

De Ngohi asa tonihike ngonaka, ani ngopa, de ani dano de lo ani galawewe gena yadala icarawa. Maro o nyawa yaakuwa yaeto o dowongi o teo ma dateka, komagena lo ani ngopa de ani danoku o nyawa moi lo yaakuwa yaeto.

Dodadi 17:20

Nako to ngona ani gogolo ma ngale ani ngopa o Ismael gena, Ngohi tosimote daloha. So igogou una lo done Ai laha towisidumu de towihike awi ngopa de awi dano gena ka yadala. De done taaka la to una awi ngopa de awi danoku manga sidongirabano yamogiowo de sinoto asa ikolano, sidago lo ona idadi o bangsa ilalamo moi.

Dodadi 24:60

So ona manga sininga ma loha isidumu so ongo Ribka mitemo, ma demo gena komanena, “Ngona nanga bira gena tanu nodadi o nyawa yadadala manga awa. De ani ngopa de ani danoku yapareta manga saturu ma bi doku.”

Dodadi 26:24

So o putu magena de o Jou Gikimoi womasimane o Ishakka de wotemo, “Ngohi manena ani baba o Abraham awi Gikimoi so upa ngona nimodo, sababu Ngohi asa kanaga dede ngonaka de Ai laha tonihike ngonaka, komagena lo taaka sidago ani ngopa de ani dano asa dala icarawa, sababu magena to Ngohi Ai jaji moi Ai nyawa woisigogise o Abrahamka.”

Dodadi 27:33

La ma baba o Ishak woise komagena, de asa una witirine de wotemo, “Ayoo! So naguuna una magena asa woroda wolihono so awi sihode de awi ino damomonge woihike ngohika. Sidago ma orasi ngona noliho waasi de ngohi taodo lo daboloka, de una magenaka togolo so o Jou Awi laha wodogo lo daboloka. So una magena dabolo wodadi o nyawa o Jou Awi laha wamamake.”

Dodadi 35:11

Ngohi o Gikimoi gena Tolamo, de done asa taaka so ngona nopuo so ani ngopa de ani dano asa foloisi yadala la idadi bangsa moi. Sidago lo o bangsa-bangsa ma bolu ilalamo magena asa manga sihino ngonano, de o bi kolano-kolano lo gena ma sihino ngonano.

Dodadi 41:52

De ma ngopa wononongoru gena ma wakil wisirongali o Efraim (gena ma ngale o loha idala tamake), de wotemoli, “Towisironga magena sababu o doku manenaka, ngaroko ngohi idodomaka isangisaraka, duma kanena asa o Gikimoi o bi loha foloi idala woihike ngohika.”

Dodadi 43:14

De ma orasi ngini niahika o nyawa una magena awi simaka, de tanu o Gikimoi Wilalamo asa winisayangi la ma ngale o nyawa una magena aku wisimaha so ai ngopa o Simeon o buino wisisupu de lo o Benyamin lo aku niwisigiliho. Duma ma ngale ngohi gena, nakoso to ngohi ai ngopa la wosone gena, tadoohawa duma done ngohi manena toari de tododora, sidago ka ai sone ma wange.”

Dodadi 48:3

So kagena de wotemo awi ngopa o Yusufka, “Ai ngopa, idomaka o Gikimoi Wilalamo womasimane ngohika, kadoka o Lus (isironga lo o Betel) ma dokuka o Kanaan ma tonaka, de kagena Awi laha woisidumu ngohika.

Dodadi 48:4

De lo wotemo, ‘Ngohi done asa taaka so ani ngopa de ani dano gena done ifoloisi idogo de yadala. De lo taaka so ani ngopa de ani danoku done asa yobuo-buo sidago de ma sihino onano o bi bangsa o duniaka foloi idala. So ngini ningoduka asa o tona manena tinihikeka, la magena maro nia pusaka masirete so nigoge ka sidutu ikakali.’

Dodadi 49:25

Gikimoi Una gena wonijaga wonisisalamati ngona. O Jou Wilalamo wosidumu Awi laha. Gena o ake o dipaku de o tonaye, ani ngopa de ani dano done ka yadala.

Dodadi 9:1

So o orasi magenaka de o Gikimoi Awi laha wosidumu o Nuhka de lo awi ngopaka, so ona magenaka wotemo, “O ngopa nisibuo la foloisi nidala de o dunia niawedo kali.

2 Korintus 6:18

Ngohi asa todadi to ngini nia Baba, de ngini gena asa nidadi to Ngohi Ai ngopa-ngopaka.’ Komagena o Jou Wokokuasa Awi demo.”

Gogelelo 21:22

Kagena o kotaka asa ngohi tamakewa o Gikimoi Awi Tahu, sababu o Jou Wokokuasa de lo o Duba ma Goho Ona igogoge o kota ma rabaka.