Dodadi 26:9 - O GIKIMOI AWI JAJI ma BUKU

⁹ Ma sababu komagena so wosulo o Ishak iwiaso la awi simaka, de wotemo, “Ce! O ngopedeka magena, ngaroko lo ani pedeka, de dadoohaso ngona notemo muna gena ka ani bira moi.” De o Ishak wosango wotemo, “Awadede! Baba, ngohi imodo poli, nakoso totemo muna magena to ngohi ai pedeka, de ma ngale muna gena o nyawa done asa ngohi itooma.”

Dodadi 26:9 ပူးပေါင်းရင်းမြစ်များ

Dodadi 12:18

So ma ngale magegena ma kolano wosulo o Abram wiaso la asa wisano de wotemo unaka, “Ce! Kiaso ngona noiaka komanena ngohika. Dadoohaso nosingangasuwa ngohika, muna gena to ngona ani pedeka.

Dodadi 26:10

Kagena de ma kolano Abimelekh wotemo, “Awadede! Dadoohaso ani manara komagena naaka ngomino. Nakoso kanaga ai kawasa ma rabaka la o gohiduuru moi imasikiidu de to ngona ani pedeka, done ngona masirete asa o bodito nomigaka so igogou ngomi de mia sala o Gikimoi Awi simaka.”

Dodadi 26:8

So daboloku de o Ishak kagena wogoge so he o wange muruo nagaka, de kanaga o wange moiku de ma kolano Abimelekh womaginano awi o jangelano de wakelelo o Ishak de ongo Ribka gena imaricade de imarihame o ngihi ma rabaka.

Yohanes 14:9

Kagena de Una wotemo, “Awalele! Filipus, kanaga itekaka potagi pomakokomote, dadoohaso ngona Ngohi noinako waasi. Sababu o nyawa nakoso Ngohi ikeleloka, de ona asa ma Baba lo iwikeleloka. So o kiaso ngona notemo komagena, ‘Ngona nomisikelelo o Baba Gikimoi ngomika.’

Rasul 12:11

Magena de asa o Petrus womanako o kia idadi unaka, so wotemo, “O orasi manena asa ngohi tanako igogou o Jou Awi malaikat wasulo la ngohi woisiraro o Herodes awi pareta ma rabano de o Yahudika manga roriri manga edekati datotorou ma ngale ngohi tanu itooma.”