Dodadi 26:3 - O GIKIMOI AWI JAJI ma BUKU

^3-4 O tona magenaka, nakoso nogoge, de Ngohi asa tonidongosawa de Ai laha lo tonisidumu ngonaka, de lo o tona dangodu magena asa tonihike ngonaka de lo ani ngopa de ani danoku. De ani ngopa de ani danoku magena lo asa ifoloi yadala, manga dala gena imatero de o bi ngoma o dipaka. De ma ngale to ngona ani ngopa de ani dano moi so done o dunia ma bi bangsa dangodu yamake o loha. Komagena ani baba o Abrahamka gena Ai jaji idomaka so asa tosiganapu.

Dodadi 26:3 ပူးပေါင်းရင်းမြစ်များ

Dodadi 12:7

So Jou womasimane o Abramka, de wotemo kali, “O tona manena gena Ngohi asa tonihike ngonaka, de ani ngopa, de ani dano sidago lo ani galaweweku.” Dabolo de o Abram o teto watopuye, de waaka o nonako moi ma ngale o Gikimoi Una Awi dupa magena wosimaneka.

Dodadi 13:15

O tona dangodu magegena Ngohi asa tonihike ngonaka de lo ani ngopa de ani danoku, idadi to ngini nia pusaka o orasi manena de ka sidutu ikakali.

Dodadi 13:17

So hika notagi de o tona magena nakiloli ma ngale nomasitongona, sababu Ngohi asa tonihike ngonaka.”

Dodadi 15:18

De o orasi magena dabolo de o Jou Awi jaji wosingangasu o Abramka, so wotemo, “Ngohi tonijaji gena done asa tinihike to ngona ani ngopa, de ani dano, de lo ani galaweweku o tona manena, gena ma bati isolano o Mesir ma dokuka de itagi sidago lo o Efrat ma Selera ilalamoka.

Dodadi 17:19

Duma o Gikimoi gena unaka wotemo, “Upa komagena. Ani pedeka ongo Sara done asa o ngopa yanau moi mowisibuo de ngona asa nowisironga o Ishak. Ngohi Ai jaji tacoho tagogou dede ani ngopa una magena de lo to una awi ngopa de awi danoku gena ma bati sidutu ikakali, la ma ngale Ngohi manena gena asa todadi to una awi Gikimoi.

Dodadi 17:8

Ngohi asa o Kanaan ma tona manena tinihike nginika, o tona magena kiaka o orasi manena ngona masirete nodogogeka, so koloko o nyawa itatagino. O tona gena dangodu idadi to ngona ani ngopa de ani dano manga pusaka ka sidutu ikakali, de Ngohi asa todadi to ona manga Gikimoi.

Dodadi 20:1

O Abraham kagena o Mamreka de wotagi womatuluru o Tona Negebka, ena gena o tona ibobeleuka, de ma koresaraye wokahie so o Kadesh ma kota de o Syur ma kota ma risoaka de kagena wogoge. Kagena dabolo de wotagi wokahika o Gerar ma kotaka,

Dodadi 25:11

Ma orasi ma baba wosoneka, de o Gikimoi Awi laha wosidumu ma ngopa o Ishakka, de ma ngopa una magena asa wogoge o sumu ma dateka o Lahai-Roika (gena ma ngale Una Woooho Ngohi Woikelelo).

Dodadi 26:12

O orasi magena de idadi o Ishak o doku magenaka wosolano awi gisisi wosihaja ma ngale awi doroka wosidato de o taungu magena una o sopo wamake idala gena, iliho ma para ratu moi wositero maro o kia una watudu eko lo wodato. Sababu o Jou Gikimoi Awi laha wosidumu unaka,

Dodadi 26:14

Mutuwade o Filistinka ma nyawa widoosa unaka, sababu awi nyawa ileleani yadala komagena lo awi duba de lo awi sapi foloisi idala,

Dodadi 26:24

So o putu magena de o Jou Gikimoi womasimane o Ishakka de wotemo, “Ngohi manena ani baba o Abraham awi Gikimoi so upa ngona nimodo, sababu Ngohi asa kanaga dede ngonaka de Ai laha tonihike ngonaka, komagena lo taaka sidago ani ngopa de ani dano asa dala icarawa, sababu magena to Ngohi Ai jaji moi Ai nyawa woisigogise o Abrahamka.”

Dodadi 28:13

De wikelelo o Jou lo Awi simaka de wotemo, “Ngohi manena ani ete de nitopora o Abraham awi Jou Gikimoi de lo o Ishak awi Jou Gikimoi. O tona kiaka ngona nomaiiduka o orasi manena gena done asa tonihike ngonaka, de lo ma bati ani ngopa de ani dano, sidago lo ani galaweweku.

Dodadi 28:15

Igogou-gogou, ngona asa Ngohi tonidodiao de ngona asa Ngohi tonitaru, maro o dadaru taloloha moi ani dodagi ma rabaka de kiaka bato ngona nokahika. De Ngohi asa tonidiko de toningaho, la tonisigiliho kali o tona magenenano asa nokahino kali. Sababu Ngohi gena tonidongosa kawa, duma Ngohi bilasu taaka maro o kia Ngohi tonijaji dabolo ngonaka.”

Dodadi 31:3

So o Jou Gikimoi wotemo o Yakubka, “Hika la ngona noliho de notagi ani baba, de ani ete de ani topora, de lo ani ria de ani gianongoru manga tonaka, de Ngohi lo asa kanaga dede ngona ani dodagi ma rabaka.”

Dodadi 35:12

De o tona manena kiaka tahikeka o Abraham de o Ishakka gena, done asa tonihike ngonaka, de ani ngopa de ani dano, sidago lo ani galaweweku.”

Dodadi 39:2

De o Mesir ma jojaga manga bobareta kagena awi tahuka gena, o Jou lo kanaga dede o Yusuf. So o Yusuf una magena o kia o moi-moi waaaka gena ka idadi daloha.

Dodadi 39:21

Ngaroko kagena o buika wogoge, duma o Jou kanaga de o Yusuf de Awi laha lo iwihike unaka. So o bui wopopareta una magena o Yusuf iwingaho daloha.

Dodadi 48:21

Bolo, de asa wosibeseso o Yusufka wotemo, “Ai ngopa, ngohi ai sone ma orasi gena he idumuka, duma ngini gena nanga Gikimoi asa winidongosawa de lo waaka la done kadoka o Kanaan ma tonaka, to ngini nia baba de nia ete manga tonaka, kagena aku niliho kali.

Dodadi 50:24

So una magena awi ria-riaka wasingangasu wotemo, “O orasi manena dabolo done asa ngohi tosone. Duma nanga Gikimoi Una magena asa ngini winiriwo bai, de o tona manenaka de asa winingaho o tona kiaka o Abraham, o Ishak, de o Yakub ona magena wajaji idomaka.

Filipi 4:9

De lo tanu ngini asa nikaeli niaaka o bi moi-moi o kia ngohi tinidodotoka de ngini lo niadehe dalohaka, de lo ai demo moi-moi o kia ngini nioiiseka de ai manara moi-moi o kia ngini niakokeleloka. Nakoso niaaka komagena, done o Gikimoi, kiaka o sanangi wonahihike ngoneka, Una magena asa wogoge dede ngini.

Ibrani 11:9

Ma ngale awi piricaya so o tona kiaka o Gikimoi wijajaji unaka so una asa womasidiadoka, de wogoge maro ka o nyawa ma somoano moi. So awi dadaru ma dodalake lo ka o barono de kagena wogoge, de komagena lo to una awi ngopa de awi danoku o Ishak de o Yakub, ona lo yamake o jaji magena ka imaketero de o Gikimoi wahihike.

Ibrani 6:17

Komagena lo de o Gikimoi. Ma orasi Una idomaka wijaji o Abrahamka de lo awi ngopa de awi danoka, de Una magena wodupa wasinako itiai onaka Awi jaji gena akuwa itagali. Komagena so ma ngale Awi jaji gena wosiputuru so asa wosasi.