Dodadi 24:4 - O GIKIMOI AWI JAJI ma BUKU

⁴ Duma ngona bilasu notagi de nahika kadoka ai doku de ai soaka kiaka kagena ngohi isibubuoka, ma ngale kanaga ai ria de ai gianongoru manga ngopaku o jojaru moi nomilahi de nomisuku, la idadi to ngohi ai ngopa ma pedeka.”

Dodadi 24:4 ပူးပေါင်းရင်းမြစ်များ

Dodadi 28:2

Ma ngale magegena hika nomasidailako, la notagi o Padan-Aram ma dokuka de nogoge ani awa ma baba o Betuel awi tahu moika. La kagena asa o ngopedeka moi nomagese ani awa ma hira ma duhutu o Laban awi ngopa-ngopaku de asa nomasipedeka.

Dodadi 12:7

So Jou womasimane o Abramka, de wotemo kali, “O tona manena gena Ngohi asa tonihike ngonaka, de ani ngopa, de ani dano sidago lo ani galaweweku.” Dabolo de o Abram o teto watopuye, de waaka o nonako moi ma ngale o Gikimoi Una Awi dupa magena wosimaneka.

Dodadi 11:25

O Terah wisibuoka, de o Nahor awi umuru idogo kali o taungu 119-ka, de asa ma pedeka mosibuo kali o ngopa yanau de o ngopedeka ona magena inonongoruku.

Ibrani 11:15

O tona la kanaga ona yososininga, o tona kiano yahihino magena dasowo. Nakoso komagena la ka idadi, de kagena asa ona iliho kali.

Dodadi 12:1

Kagena o Haranka de o Jou wotemo woririaka, “Abram, hika la notagi kasi. Ani tona, de ani baba awi tahu, de lo ani ria de ani gianongoru yangodu nadongosa de nokahika o tona ma somoa moika kanaga Ngohi asa tonisidumu ngonaka. Nako komagena naaka,

Dodadi 24:5

So kagena de awi gilalo womomanara una magena wosano unaka wotemo, “Idodooha nakoso o jojaru magena ami tahuno mosupu moholu, de ngohi tomingaho lo momote moholu o doku manenano, de kanaga to muna ami dupa gena bilasu ani ngopa gena towingaho de towitota kadoka to ngona ani doku de ani soaka.”

Dodadi 28:1

So kagena de ma baba ma ngopa wononongoru iwiasoka, de unaka wotemo, “Ai ngopa, hino nomatamiye ai dateka la o kia naga moi tonibesesosi. Nakoso nokawi de upa lo o Kanaan ma ngopedeka gena nakawi.

Dodadi 24:38

Duma bilasu notagi de nasari ai ria de ai gianongoruka, ena gena ai baba awi ngopa de awi danoku. So taika la ngona bilasu kudahu notagi ma ngale kanaga ai ria de ai gianongoru manga ngopaku, o jojaru moi nomilahi de nomisuku, la idadi to ngohi ai ngopa ma pedeka.’