Dodadi 22:2 - O GIKIMOI AWI JAJI ma BUKU

² De o Gikimoi wotemo, “Hika to ngona ani ngopa yanau womatetengo, o Ishak una magena nowisayangi foloi gena, bilasu ngona nowingaho la nitagi o Moria ma tonaka. La niahika kagena de asa Ngohi tonisidumu o tala moika, ma ngale ani ngopa una magena maro o gaso moi ani haiwani yatutupu, la noisisuba Ngohika.”

Dodadi 22:2 ပူးပေါင်းရင်းမြစ်များ

Dodadi 17:19

Duma o Gikimoi gena unaka wotemo, “Upa komagena. Ani pedeka ongo Sara done asa o ngopa yanau moi mowisibuo de ngona asa nowisironga o Ishak. Ngohi Ai jaji tacoho tagogou dede ani ngopa una magena de lo to una awi ngopa de awi danoku gena ma bati sidutu ikakali, la ma ngale Ngohi manena gena asa todadi to una awi Gikimoi.

Dodadi 21:12

So o Gikimoi wotemo, “Abraham, ma ngale ani gilalo moleleani ani tahuka de to muna ami ngopa magena, upa lo ngona nohawateri so namote bato ani pedeka ami dupa. Sababu de ma ngeko o Ishak so ngona ani ngopa de ani dano ma duhutu asa namake maro kia tonijajajika.

Dodadi 22:12

“Upa lo ani ngopa una magena nowitooma. Sababu ani ngopa womatetengo de nodupa nowitooma la idadi ani gaso moi o Gikimoika, so o orasi manena gena igogou Ngohi tanako ani sigogise de ani piricaya itotiai Unaka.”

Dodadi 22:16

“O Jou gena wotemo, ‘Ma ngale ngona ani dupa gena ani ngopa womatetengo de noihike Ngohika, so Ngohi dede Ai ronga masirete tosasi,

Dodadi 22:3

So ma ginitano de ka ilangi-langisi, o Abraham, ma ngale awi suba ma gota gena, o gota woleleta dabolo de wapolu so wapopilikuka. De awi keledai ma duduku awi gina wosibaneka, de una wotagi de ma ngopa de lo awi gilalo imomanara yasinoto ikahika o riho moi o Gikimoi wasidudumuka.

Dodadi 22:9

So ma orasi ona imasidiado o riho magena kiaka o Gikimoi wosidudumuka, de ma baba o Abraham una magena awi gaso ma bi teto watopuye, so o gota magena wafato ma dokuka. So kagena de ma ngopa wipiliku so o gota ma dokuka iwiidusa.

Dodadi 8:20

So o Nuh una magena ma ngale awi sukuru o Jou-ka so waaka awi suba ma riho o teto watopuye, de ma dokuka wahado o bi haiwani de o bi namo ngai muruo naga, ena gena o moi-moi o Jou wahihirika dangodu de ma sabika maro awi suba moi Unaka. So watola de watupu la idadi awi suba moi Unaka.

Yohanes 3:16

Sababu igogou-gogou o Gikimoi foloi wadodara o bi nyawa o dunia ma rabaka, so Una asa Awi Ngopa masirete wihike, ngaroko Awi Ngopa magena to Una Awi Ngopa yanau womatetengo. La o nyawa nagoona Awi Ngopaka magena iwipiricaya, de ona magena upa yasisa, duma yamake o oho ka sidutu ikakali.

Roma 5:8

Duma o Gikimoi gena ma ngeko idodooha kanaga wonasikelelo Awi dodara ngoneka, ena gena ngaroko ngone podupasi o dorou paaka, duma ma ngale ngone gena ma Kristus asa ka wosone.

Roma 8:32

Una gena Awi Ngopa masirete magena womasitouna kawa de wonasitodihike ngoneka, sidago lo bilasu ma Ngopa wosone bai! So nakoso wonahike komagena, de igogou Una lo asa wonasitodihike ngoneka o bi moi-moi dangodu de kanaga ma somoasi.

Ibrani 11:17

Ma ngale o Abraham awi piricaya o Gikimoi una witailako, so ma orasika de o Abraham wosidailako awi ngopa o Ishak la wiaka maro o suba moi yatutupu la wosisuba o Gikimoika. Idomaka, o Gikimoi o Abrahamka wotemo, “De ma ngeko o Ishak so ngona ani ngopa de ani dano ma duhutu asa namake maro kia tonijajajika.” Duma ngaroko komagena, o Abraham wosidailako o Ishak awi ngopa womatetengo gena, wihike la witupu maro o suba moi.