Dodadi 20:3 - O GIKIMOI AWI JAJI ma BUKU

³ So o putu moiku de o Gikimoi womasimane ma kolano una magena awi doguruga ma rabaka, de wotemo, “Igogou, ngona de ani sala so tahiri bilasu tonifanggali gena ngona done nosone. Sababu o ngopedeka moi kanaga ngona nomideheka, muna magena de ami rokaka.”

Dodadi 20:3 ပူးပေါင်းရင်းမြစ်များ

Dodadi 12:17

Duma kanaga ma sababu gena ma kolano ongo Sarai womidehe de womasipedeka, so o Jou o panyake datotubuso de pomomodo wasitampala ma kolanoka de awi nyawa o kadato moi ma rabaka.

Dodadi 12:18

So ma ngale magegena ma kolano wosulo o Abram wiaso la asa wisano de wotemo unaka, “Ce! Kiaso ngona noiaka komanena ngohika. Dadoohaso nosingangasuwa ngohika, muna gena to ngona ani pedeka.

Dodadi 20:7

So o orasi manena dabolo ngona notagi bato o ngopedeka muna magena nomisigiliho ma rokaka. De ma roka una magena o nabi moi, so aku una wonisisumbayang la ngona upa nosone. Sababu nakoso nomisigilihowa unaka de, kodo, ngona de ani nyawa yangodu lo bilasu nisone bai!”

Dodadi 28:12

De awi gogiolo ma rabaka asa una wotoguruga gena wakelelo o ngute ikukuru-kuruye moi iokoye o duniaka, de ma ide sidago o sorogaye itiki eko yaado. De wakeleloli o Gikimoi Awi malaikat-malaikat gena iuti de idola, yamote o ngute magegena.

Dodadi 31:24

So o putu moiku de o Laban awi doguruga ma rabaka gena o Gikimoi womasimane de wotemo, “Nomasitiari daloha de upa lo ani demo datotorou ma depi moi lo upa nosigangamo o Yakubka.”

Dodadi 37:5

So o putu ma moiku de manga nongoru awi ronga o Yusuf una magena o gogiolo ma rabaka, de doguruga moi wamakeka. De awi ria-ria asa unaka foloisi widoosa ma orasi una awi doguruga magena wosijarita,

Dodadi 37:9

De o putu ma moili ma nongoru o doguruga moi wamakeli de wasijarita kali, ma ria-ria de ma babaka wotemo, “Ai baba de ai ria-ria, ai doguruga moili ma rabaka gena o wange, de o ngoosa, de lo o ngoma ngai mogiowo de moi imarukuku isuba ngohika.” Duma ma baba wosidapano ma nongoruka wotemo, “Ai ngopa, ani doguruga magena ma ngale idodooha. Upa sidago ngohi de ani meme de ani ria-ria lo ngomi mingodu misuba ngonaka!”

Dodadi 40:5

de o putu moiku ona yotoguruga. Una moi awi doguruga de ma ngaleka, de una moili awi doguruga de ma ngaleli.

Dodadi 40:8

“Kaputuka de ngomi misinoto mitoguruga, duma kanaga o nyawa moi lo yanakowa mia doguruga ma ngale so misingangasuwa ngomika.” Kagena de una wotemo, “Ma ngale dangodu gena o Gikimoi ka wanako so asa ngoneka wonasingangasu. So nako daloha ilaku, de hika nia doguruga magena nisijarita ngohika.”

Dodadi 46:2

Awi suba watide so o putu itongiraba de o gogelelo moi o Gikimoino wamake gena ma rabaka o Gikimoi wobicara unaka, de iwiaso-aso, “Yakub!” “Ya, Jou.”

Matius 1:20

Ma orasi o Yusuf ka watagapisi awi sininga ma rabaka womidolomu eko hiwa, de una wokioloka de wotoguruga. Awi doguruga ma rabaka una wakelelo o Jou Awi malaikat moi yahino de itemo unaka, “Yusuf, ngona gena o Daud awi ngopa de awi dano moi. Upa nimodo ongo Maria nomidehe, sababu o ngopa ami poko ma rabaka idadi gena ka cawali o Gikimoi Awi Gurumi Datetebi ma kuasa so imasibolote munaka.

Matius 27:19

So o Pilatus ka wogoge kusi kagena o hakim ma kursika, de ma pedeka ami sosulo imasidiado la mowidedemo unaka, “O nyawa Una Awi sala ihiwa, so upa nowisangisara bai! Sababu ma ngale Una magena so ka putuka o gogiolo ma rabaka de togoruga de ngohi ai sininga foloi isangisara.”