Dodadi 2:9 - O GIKIMOI AWI JAJI ma BUKU

⁹ Kagena o Jou Gikimoi wosioho o bi gota idala, o gota dangodu magena panano daloha de ma sopo lo daloha so aku paodo. De lo o doro ma dongirabaka wosioho o gota ngai sinoto, ena gena o gota moi ma sopo o nyawa aku de yaodo yasioho so isonewa, de o gota moi ma sopo o nyawa o loha de o dorou yasinako.

Dodadi 2:9 ပူးပေါင်းရင်းမြစ်များ

Dodadi 2:17

cawali o gota o hutu moi magena o loha de o dorou o nyawa yasinanako gena, o sopo magena upa naodo. Nako naodo done o orasi magena dabolo ngona nosone.”

Dodadi 3:22

De o Jou Gikimoi wotemo, “So komagena o nyawa una magena wiaka so una imatero maro Ngone, de wanakoka o loha de lo o dorou. Duma una towisimaha kawa wotagi o gota isiooho magenaka la upa sidago ma sopo magena wadehe kali la waodo so awi oho ka sidutu ikakali.”

Dodadi 3:24

Komagena de o Jou Una magena wisisupuka de wituluruka, so o Eden ma wange ma nyonyieka wasigoge de o kerub yamuruo naga. Ona magena o malaikat manga buturu ilalamo. O gota isiooho ma ngeko magena yojaga la o nyawa upa iwosa. De lo o sumarangi moi wosijaga so ibulutu hika de hino de ma leto ka isosora.

Dodadi 3:3

Ka cawali o Gikimoi wotemo, o gota moi o doro ma dongirabaka iooho gena ma sopo upa miaodo de lo upa miatigi. Nakoso o sopo magegena miaodo eko miatigi done ka misone.”

Dodadi 3:5

Una wanako nakoso o sopo magena niaodo de o orasi magena asa o loha de o dorou nisinako, so done nimaketero dede Una.”

Yohanes 6:48

Mutuwade Ngohi manena tomasitero maro o roti gena o oho ma hutu de magena tahike o nyawaka.

1 Korintus 8:1

De nako ngini nia sano-sano ma ngale o ino la kanaga isisuba o serika gena, ngohi tosango komanena. Igogou, ka idadi ngone potemo panakoka o Gikimoi Una magena ka womatengo de o bi giki ma somoa moili gena ihiwa. Ngaroko komagena, nakoso potemo ngone o kia naga moi ka panako daloha, de magena ngone aku pomasihieka. Duma nakoso padodara, de nanga sininga ma meta cawali de o dodara ma ngale o nyawa manga sininga aku posiputuru.

Gogelelo 2:7

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magena asa Ngohi tasimaha o oho ma gota ma sopo, kiaka o Gikimoi Awi goge daloloha (eko o Firdaus) ma rabaka, yadehe la yaodo so yooho ka sidutu ikakali.”

Gogelelo 22:14

Nakoso o nyawa ona magena kanaga manga juba yapoka la datebika, maro o Duba ma Goho Awi auku yapoka so daare-areka eko Una Awi sone so manga dorou yapikika, done ona magena asa yosanangi. Sababu ona yasimaha o kota ma ngora yapelenga la iwosa, de o oho ma gota ma sopo la o nyawa aku yasioho ka sidutu ikakali gena yaodo.

Gogelelo 22:2

yakahika o kota magena ma ngeko ma sidongirabako. O selera magena ma dateno kanaga ma harisosonongaka o oho ma gota gena ma sopo, nakoso o nyawa yaodo, de aku ioho ka sidutu ikakali. De o gota magena o taungu moi isopo gena ma para mogiowo de sinoto so o ngoosa moi gena isopo ma moi. De ma soka gena idadi o nyawa o bi dokuka manga sou ma ngale yasiloha.