Dodadi 2:7 - O GIKIMOI AWI JAJI ma BUKU

⁷ So o orasi magena de o Jou Gikimoi o tona ma gaapo wadehe la o nyawa moi wosiaka. De o Jou Awi woma magena wosiwuwu o nyawa magena awi ngunu ma busuneka, so o nyawa magena woohoka.

Dodadi 2:7 ပူးပေါင်းရင်းမြစ်များ

Dodadi 1:27

Komagena o Gikimoi o nyawa waaka, o nyawa magena imatero de to Gikimoi Awi jamani. Komagena waaka o nyawa yanau de o ngopedeka.

Dodadi 2:6

Imuura waasi duma o marasa iuti o dududuku so asa ma tona magena yapesa.

Dodadi 3:19

So komagena ani oho asa isangisara so ani manara dasihilo la ani galasahu ma giliho asa naodo ma bati ani sone ma orasi. Komagena lo ngona ani sihino o tonano so done noliho nomadadi o tona kali.”

Dodadi 3:23

Kagena de o Jou Gikimoi wisisupu o nyawa magegena o Eden ma dorono so wodongosa la bilasu wodadi wototoro. So komagena una wisihino o tonano so o tonaku watoro la wooho.

Yohanes 20:22

De kagena de Una asa wasiwuwu onaka, de wotemo, “O Gurumi Datetebi manena hika ngini niadehe daloha to ngini nia sininga ma rabaka.

Rasul 17:25

De ma boboloi Una o nyawa powiriwo paakuwa, sababu ka cawali Una waaka so ngone o nyawa aku pooho de lo powoma, de Una lo o bi moi-moi dangodu wonahike ngoneka.

Roma 9:20

Magena ngona ngohi tonisango, ngona gena ka o nyawa moi, so upa nomasihie sidago ani sininga ma rabaka itemo o Gikimoi Awi demo gena ngona naholu. Nakoso o lelenga la kanaga o tonano o nyawa isiaka, de upa sidago o nyawa magenaka o lelenga magena itemo, “Dadoohaso ngona noiaka ngohi komanena.”

1 Korintus 15:45

Kanaga isilelefo o Gikimoi Awi Jaji ma Buku ma rabaka itemo, “O nyawa ma nonoma, gena o Adam, o Gikimoi Awi woma gena wosiwuwu o nyawa magenaka so una woohoka.” Duma ma Kristus, Una magena wisironga lo o Adam ma dodogu, ka Una magena done wonahihike o oho ka sidutu ikakali.

1 Korintus 15:47

O nyawa ma nonoma gena o tonano wosidadi la ioho o dunia manenaka. Duma ma Kristus, Una maro o Adam ma sinotoka, Una magena Awi sihino ka o sorogano.

2 Korintus 4:7

O Gikimoi Awi kuasa kanaga imanara ngomika, ngaroko ngomi gena ka o nyawa de mia buturu ikurangi. Ngomi gena maro o boso isiaaka o tonano, kiaka ma rabaka de o kia naga ihahali-hali moi gena iwedo-wedoka. O Gikimoi waaka komagena la ma ngale o nyawa asa yanako o kuasa ihahairani gena ngomi masireteno dasowo, duma magegena ma sihino igogou Unano.

2 Korintus 5:1

So to ngone nanga rohe o dunia manenaka gena tosiade-ade imatero maro o dadaru, kiaka ma nonomaka de pomasidododogu. Nakoso o dadaru magena ibiauka, de done o tahu daloloha asa paaka. Komagena lo ngone nanga rohe, nakoso isone, de ngone panako done o sorogaka de o rohe damomuane gena o Gikimoi asa wonahike ngoneka, kiaka o dunia ma nyawa manga gia isiaaka dasowo de ka sidutu ikokakali.

1 Timotius 2:13

Sababu o Adam wisidadi idoma kasi, dabolo de asa ongo Hawa kali.

Ibrani 12:9

De lo o dunia manena nanga baba ngone inadoto, de ngone ona gena pahoromati de pasigise. Nako komagena, igogou ngone bilasu powisigise o Gikimoi de ma boloika, Una gena nanga Baba o sorogaka, la ngone aku pooho ka sidutu ikakali.