Dodadi 19:3 - O GIKIMOI AWI JAJI ma BUKU

³ Kagena de una wabaja wagogou so dabolo de aku ona wangaho wasingosa awi tahuka. De una wosulo la awi gilalo ileleani o ino yasakahi, de lo o roti isijai-jai yaosu so ona magena lo yoodoka.

Dodadi 19:3 ပူးပေါင်းရင်းမြစ်များ

Dodadi 19:2

de lo wotemo, “Baba-baba, nako yaaku de tanu nitulu kasi ngohi tinihoromati ai tahuka. Kanena aku nia dohu niatiodo, de lo nimaidu, la ilangi o goginitano de asa to ngini nia dodagi niadofa kali.” Duma ona itemo, “Dadoohawa. Dohaka bato la ngomi putu manena o kota manena ma lapanganka mimasidodogu.”

Dodadi 21:8

Ipasaka, de manga ngopa magena wilamo so isolano wisitagi, o wange magena bato de ma baba o rarame ilalamo gena waaka ma ngale ma ngopa wisirarame.

Dodadi 24:31

So ma hira woriria gena wotemo, “Baba, igogou ngona o Jou Awi laha gena wonihike de wonisidumuka. De dalohawa nakoso ngona de ka o doku ma duduka nogoge. So tanu nahino noimote ngohi la to ngomi mia tahuka nomasidodogu. Kanaga to ngona ani ngihi lo misidailako dabolo, de komagena lo to ngona ani unta-unta ma riho de ma ino lo misidailako daboloka.”

Dodadi 26:30

Dabolo de o Ishak wasingosa awi dadaruka de wasitamiye, so asa ona iodo de iudo de manga sininga isosanangi.

Lukas 11:8

Una gena, ngaroko he awi dodiao dabolo, duma wodupawa womomi. Ngaroko komagena, Ngohi totemo, sababu o nyawa magena wimadewa wogolo wosidadu-dadu awi dodiaoka, so igogou bilasu awi dodiao una magena asa womomi, de o kia awi kurangi gena iwihike unaka.

Lukas 14:23

So o tuangi magena wotemo, ‘Notagi bato o ngeko ilalamo o kota ma duduka de lo o bi soa-soaka, de o nyawa nagegego la ona yahino, la ai rarame ma tahu magena aku iwedo.

Lukas 5:29

Ma orasi magena ipasaka, o Lewi o rarame waaka awi tahuka, de o Yesus womatamiye woodo. De o balastengi itotolomu yadala de o bi nyawa yadala manga sininga datotorou o bi kawasa yahoholu, ona magena lo imatamiye yoodo de o Yesus.

Yohanes 12:2

De kagena o Betaniaka ma nyawa ma ngale Una o rarame moi yaakaka, so Una wikoro de kanaga lo o Lazarus de o nyawa ikokoro ma binuka lo ona imatamika, de ongo Marta ona maleleani.

1 Korintus 5:8

So hika ngone lo porarame de nanga nalika. Komagena so ngone bilasu o dorou idodoma gena paaka kawa de lo nanga sininga ibolowo de itiai, maro o ragi papake kawa de ka o bokol damomuane de iraragiwa gena paodo.

2 Korintus 5:14

Ma ngale ma Kristus Awi dodara o nyawaka, so ngomi gena imibaja bilasu Awi habari gena misihabari. Sababu ngomi mianako igogou ma Kristus wosone ma ngale o nyawa yangodu manga dagali moi, so aku potemo magena imatero maro ngone inangodu posone.

Ibrani 13:2

Upa niawosa la niodupa o nyawa ma somoa niaaso imasidodogu nia tahuka, sababu kanaga o nyawa yamuruo naga gena o Jou Awi malaikat yaaso imasidodogu manga tahuka, duma igogou o malaikat magena ona yanakowa.