Dodadi 17:4 - O GIKIMOI AWI JAJI ma BUKU

^4-5 “Ngohi manena gena tonijaji ngonaka, igogou ngona magena asa nodadi o bi bangsa yadadala manga ete de manga topora. Ma ngale de ma ngeko komagena so o orasi manena ani ronga gena upa he o Abram, ma ngale o baba wihohoromati, duma tatagali imadadi o Abraham, gena ma ngale yadadala manga baba ma duhutu.

Dodadi 17:4 ပူးပေါင်းရင်းမြစ်များ

Dodadi 12:2

Ngohi asa tonihike ngonaka ani ngopa de ani dano lo yadala sidago idadi o bangsa ilalamo. Ngohi lo tonisidumu Ai laha. Ma ngale ngona so o nyawa ma binuka lo o loha yamake. Ngohi lo taaka ani ronga ilamo o nyawa yadadalaka la yanako.

Dodadi 13:16

De Ngohi asa tonihike ngonaka, ani ngopa, de ani dano de lo ani galawewe gena yadala icarawa. Maro o nyawa yaakuwa yaeto o dowongi o teo ma dateka, komagena lo ani ngopa de ani danoku o nyawa moi lo yaakuwa yaeto.

Dodadi 16:10

Ngohi asa taaka sidago ani ngopa de ani dano asa foloisi yadala so o nyawa moi lo akuwa yaeto to ona manga dala.

Dodadi 22:17

igogou-gogou Ngohi Ai laha asa tonisidumu la to ngona ani ngopa de ani dano manga dala koloko o ngoma o dipaka de o dowongi o teo ma dateka. De lo ona magena asa manga lawangi yasitura.

Dodadi 25:23

So o Jou wotemo munaka, “O bangsa sinoto ani poko ma rabaka, ngona asa nosibuo o bangsa sinoto imakokalawangi. Woriria de wononongoru gena, wononongoru foloisi wiputuru, so wononongoru awi gilalo ma manara datubuso asa woriria waaka.”

Dodadi 28:3

Tongongano de togolo tanu o Gikimoi Wilalamo asa Awi laha wosidumu ngona de ani pedekaka, la asa nipuo sidago lo ani ngopa de ani dano done ifoloisi idogo de yadala. La ma ngale ani ngopa de ani danoku done asa yobuo-buo sidago manga bangsa ma bolu gena yadala o duniaka.

Dodadi 32:12

Sababu ngohi tosininga Ngona lo notemo daboloka, done asa o loha naaka ngohika, so ai ngopa de ai dano manga dala koloko o dowongi o teo ma dateka so paeto lo pamatawa.”

Dodadi 35:11

Ngohi o Gikimoi gena Tolamo, de done asa taaka so ngona nopuo so ani ngopa de ani dano asa foloisi yadala la idadi bangsa moi. Sidago lo o bangsa-bangsa ma bolu ilalamo magena asa manga sihino ngonano, de o bi kolano-kolano lo gena ma sihino ngonano.

Dodadi 48:19

Duma ma baba woholu de wotemo, “Ai ngopa, bai! Ngohi manena tanako de tosihoda foloi daloha. Una woriria magena lo awi ngopa de awi dano done asa manga doku ilamo. Duma awi nongoru manena done asa ifoloi wolamo, de lo awi ngopa de awi dano asa manga doku lo ifoloisi ilamo de idala.”