Dodadi 16:1 - O GIKIMOI AWI JAJI ma BUKU

¹ O Abram ma pedeka ongo Sarai gena ami ngopa ihiwasi. Duma muna ami gilalo moleleleani moi o Mesir ma nyawa ami ronga gena ongo Hagar.

Dodadi 16:1 ပူးပေါင်းရင်းမြစ်များ

Dodadi 11:30

O Abram de ongo Sarai ona manga ngopa ihiwasi o orasi magena.

Dodadi 12:16

So kanaga de ma ngale ongo Sarai gena o Mesir ma kolano womideheka, la o Abram lo wingaho de wiaaka daloha sidago lo wihike unaka o bi arata maro o bi gilalo awi tahuka ileleleani, o bi duba, o bi kabi, o bi sapi, o bi keledai de lo o bi unta.

Dodadi 15:21

o Amori, o Kanaan, o Girgasi de lo o Yebus dangodu magena idadi ka to ngona ma rehe-rehe.”

Dodadi 21:12

So o Gikimoi wotemo, “Abraham, ma ngale ani gilalo moleleani ani tahuka de to muna ami ngopa magena, upa lo ngona nohawateri so namote bato ani pedeka ami dupa. Sababu de ma ngeko o Ishak so ngona ani ngopa de ani dano ma duhutu asa namake maro kia tonijajajika.

Dodadi 21:21

De ma awa gena mowisimodoka de o jojaru moi o Mesirka ma nyawa.

Dodadi 25:21

Duma ongo Ribka ami ngopa ihiwa, ma sababu komagena so o Ishak wosumbayang de wogolo o Jou Gikimoika, ma ngale ongo Ribka aku o ngopa mamake. So o Jou asa wosimote awi gogolo magena sidago lo ongo Ribka aku moroheka.

Lukas 1:36

He! Nanako ani ria ongo Elisabet muna magena, ngaroko miperekika de o nyawa miaso ami ngopa ihiwaka, duma morohe he o ngoosa butanga dabolo. Igogou, muna lo done asa o ngopa yanau moi mowisibuo.

Lukas 1:7

Duma manga ngopa ihiwasi, sababu ma pedeka magena morohewa de lo yasinoto gena yaperekika.

Galatia 4:24

O bi moi-moi idadadi magena o ade-ade moi inadodoto ngoneka. O ngopedeka yasinoto gena imatero de idomaka o Gikimoi de o nyawa imatekekajajika, gena o jaji ngai sinoto. O jaji ma nonoma gena, o Yahudika manga bobita o Gikimoino o Sinai ma Talaka yamamake de sababu o bobita magena bilasu o nyawa yosigise, so o bobita magena yaaka so ona yogogilaloka, maro muna mogogilalo gena mopuo de ma ngopa gena lo done iwipareta. So o jaji magena imatero de muna mogilalo,