Dodadi 14:3 - O GIKIMOI AWI JAJI ma BUKU

^3-4 Kanaga ma deka o taungu mogiowo de sinoto o kolano yamotoha magena ma kolano Kedorlaomer wapareta de lo wakuasa. Ma ngale magegena so ma orasi yongosa o taungu mogiowo de saangeka, ma rabaka de ona imatekefakati ma ngale ma kolano Kedorlaomer de lo awi dodiao gena iwilawangi de iwikudoti. So ona magena imatekerimoi de yatolomu to ona manga prajurit yangodu o Sidim ma pidoka, kiaka o orasi manena naga gena isironga o Laut Asin.

Dodadi 14:3 ပူးပေါင်းရင်းမြစ်များ

Dodadi 10:19

so manga tona ma bati gena o Sidonka de ikahika o Gerarka o Gaza ma dateka de ikahika lo o Sodomka, o Gomoraka, o Admaka de lo o Zeboim o Lasa ma dateka.

Dodadi 14:10

O Sidim ma pidoka gena kanaga o aspal ma riho maro ka o bi sumu gena idala, so ma orasi o bi kolano yamotoha magena iloda o kudoti ma rabano de o kolano o Sodom de o Gomorano ona yasinoto ituraka o bi sumu ma rabaku. Ka cawali o kolano yaruwange gena yadoohawa so ona magena aku iloda o bi talaka yakahika.

Dodadi 14:8

Kagena de o kolano yaruha o tona ma somoano ona magena isidailako to ona manga prajurit so yapolu de yatolomu o Sidim ma pidoka, de gila-gila ona imatekekudoti

Dodadi 19:24

De o Jou wositodokaku o walira de ma uku-ukuka wosimuura o Sodom de o Gomoraku, so yatupuka.