Dodadi 13:9 - O GIKIMOI AWI JAJI ma BUKU

⁹ Ma ngale upa idadi komagena, lebelaha ngone pomatekekitinga. Kanaga o tona manena ilamo de ingoha, so hika ngona aku nahiri o tona kiaka ngona foloi nodupa. La nakoso ngona nodupa sadina nokahisa, de ngohi asa kodai tokahoko.”

Dodadi 13:9 ပူးပေါင်းရင်းမြစ်များ

Dodadi 13:10

O Abram wobicara dabolo, de o Lot womaginano wahisa de wahokoka, de wakelelo gena igogou o Yordan ma pido dangodu magena ma selera idala, imatero de ka idodoma o Jou Awi doro de Awi joro-joro, eko lo imatero maro o bi selera o Mesir ma tona ma bati o Zoar ma kotaka. (Ma loha gena komagena ma orasi o Jou o bi kota o Sodom de o Gomora o pido magenaka wasisa waasi.)

Dodadi 13:8

Kagena de o Abram o Lotka wotemo, “Dalohawa nakoso kanaga ngone manena o gianongoru pomatekekangamo, de lo to ngone nanga nyawa imatekekangamo.

Dodadi 20:15

De wotemo, “Manena to ngohi ai doku de ai tona, so maha dede ngona ani dupa kiaka nahiri la kagena aku nogoge dede ngomi.”

Dodadi 34:10

De to ngomi mia tona manena ilamo de ingoha, so ngini aku kanena nigoge. De lo aku minisimahaka, mia doku niatagi eko nisupu de niwosa, de o nyawa moi lo nifatiwa, la o tona aku niija de nia doro ma hasil lo aku nisiija.”

Roma 12:18

De lo nako yaaku, nimasikadailako la nia oho ma rabaka gena ka cawali o rimoi de o sohi.

1 Korintus 6:7

To ngini nia galaki magena maro o nonako moi la igogou ngini gena, nia gogoho gena, imaterowa de o bi nyawa o Jou Yesus wimomote. Nakoso o nyawa la kanaga nginika o sala moi inigaka eko lo inisirugi gena, dadoohawa. Lebelaha ngini gena niadohaka la inisirugika, duma upa sidago nia dodiao ipipiricaya gena niakalaki o hakim manga simaka.

Ibrani 12:14

Ngini bilasu niaaka ifoloisi nikaeli la nia oho ma rabaka gena idadi ka cawali nimakadame de o nyawa yangodu. De lo bilasu nileleani ifoloisi nikaeli o Gikimoika, sababu nako ihiwa done idadiwa o Jou niwikelelo.