Dodadi 13:2 - O GIKIMOI AWI JAJI ma BUKU

² O Abram gena wokaya icarawa, kanaga to una awi duba, o kabi, o sapi de lo awi pipi gena he podedemo kawa.

Dodadi 13:2 ပူးပေါင်းရင်းမြစ်များ

Dodadi 12:16

So kanaga de ma ngale ongo Sarai gena o Mesir ma kolano womideheka, la o Abram lo wingaho de wiaaka daloha sidago lo wihike unaka o bi arata maro o bi gilalo awi tahuka ileleleani, o bi duba, o bi kabi, o bi sapi, o bi keledai de lo o bi unta.

Dodadi 13:6

Kanaga o riho magenaka, nakoso o Abram de o Lot imatekesikogoge, de o dumule ma pido gena imakaadowa so ona imatekesikogoge gena idadi kawa, sababu manga biara he idala poli.

Dodadi 24:1

O orasi magena o Abraham gena he wiperekika, de o moi-moi waaaka awi oho ma rabaka gena o Jou Awi laha wasidumu dabolo unaka.

Dodadi 24:35

Gena ngohi masirete takelelo de tanako ma ngale o Jou wosidumu Awi laha ai baba Abrahamka, so una magena wokaya de awi arata idala poli. O Jou asa wihike unaka awi haiwani gena o duba, o kabi, o sapi, o unta, de o keledai gena idala icarawa, de lo kanaga o guraci de o salaka, de komagena lo awi gilalo yanau bai lo o ngopedeka imomanara awi tahu ma rabaka.

Dodadi 26:14

Mutuwade o Filistinka ma nyawa widoosa unaka, sababu awi nyawa ileleani yadala komagena lo awi duba de lo awi sapi foloisi idala,

Dodadi 30:43

So komagena aku una wamake to una awi gimina eko awi biara masirete gena, awi kabi, de awi duba, de lo wodogoli awi unta, awi keledai, de lo awi gilalo ileleleani gena he idala sidago lo wokaya ifoloika.

Matius 6:33

So o kia naga ngini bilasu niodupa niamote, ena gena: o Gikimoi Awi pareta ma rabaka nigoge de lo o moi-moi o kia itotiai gena niaaaka. Nakoso magena idoma niamote, de o bi moi-moi nia kurangi dangodu asa Una winihike nginika.

1 Timotius 4:8

Sababu o demo ma duuruka manena, gena igogou so bilasu o nyawa inangodu padehe daloha, ena gena, “O nyawa la cawali manga rohe isiputuru gena ma faida ka ma cunu, duma o nyawa la yaaka daloha maro o Gikimoi wodudupa gena, ma faida foloisi ilamo. Magena ma faida ilamo, sababu o orasi manena o Gikimoi asa Awi laha wosidumu onaka de o orasi ma simaka ona asa yamake o oho ka sidutu ikakali.”