Dodadi 10:9 - O GIKIMOI AWI JAJI ma BUKU

⁹ Una lo o Jou Awi laha wosidumu so wodiha lo wiputuru. Komagena so nakoso o nyawa moi kanaga la wodiha wiputuru de o nyawa lo itemo, “Una magena maro o Nimrod o Jou Awi laha wosidumu so wodiha lo wiputuru.”

Dodadi 10:9 ပူးပေါင်းရင်းမြစ်များ

Dodadi 10:10

O Nimrod gena ma nonomaka o tona wapopareta gena o Babel, o Erekh, de lo o Akad o bi kota o Sinear ma tona ma rabaka.

Dodadi 10:8

O Kush una magena awi ngopa de awi danoku moi awi ronga o Nimrod, de una magena ma noma-noma awi buturu foloisi ilamo de awi sihino o Kushno.

Dodadi 13:13

Kagena o Sodom ma kotaka igogoge gena o bi nyawa yangodu manga sininga datotorou de o Jou wanako ona yodupa o dorou yaaka foloisi idala.

Dodadi 25:27

Ipasaka, de o Ishak awi ngopa yasinoto magena ona yalamoka, de woriria o Esau gena awi manara wodidiha de wocawaro so wogoge lo ka o ponga ma pidoka. Duma wononongoru o Yakub una o nyawa moi awi sininga irihi so wodupa wogoge manga tahu ma rabaka.

Dodadi 27:30

So komagena Ishak wogolo daboloka, o Jou Gikimoi Awi laha idogo ma ngopa o Yakubka, de o Yakub asa woliho wosupu ma baba awi ngihino. Iteka waasi, de ma ngopa woriria o Esau womasidiado.

Dodadi 6:11

Kanaga lo o nyawa ma binuka de ona magena yangodu manga sininga datorou, maro o dunia yasiwaro, de iholu o Gikimoi wisigise so o doku isigeto-geto ka o dorou yaaka.

Dodadi 6:4

O orasi magena de ma duuruka kanaga lo o duniaka o nyawa gena manga rohe foloisi ilamo maro ka o raksasa. Ona magena o sorogano de manga pedeka ona magena yasibuo to ona manga ngopa-ngopa. De ona magena lo o nyawa idodoma-domaka so kanaga manga kuasa ilamo ma ngale itagi isikokudoti la manga ronga lo isilamo.