Dodadi 1:3 - O GIKIMOI AWI JAJI ma BUKU

³ So kagena de o Gikimoi wotemo, “He! Nita nodadi.” So kagena de imaakaka.

Dodadi 1:3 ပူးပေါင်းရင်းမြစ်များ

Dodadi 2:4

O dipa de o dunia ma sidadi gena komanena: Ma solano de o Jou Gikimoi magena o dipa de o dunia wosidadika

Matius 8:3

Magena de o Yesus Awi gia watoa de una magena, ngaroko wipapado, duma awi roheka wapada de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Yohanes 1:5

De o nita ma duhutu magena o bubutu ma rabaka isiwaka, de o bubutu gena akuwa o nita magena yakoora eko o bubutu gena o nita yanakowa.

Yohanes 1:9

“O nita ma duhutu he yadisiwa o bi nyawa yangoduka, de o nita magena asa imasidiado o dunia ma bi dokuka.” Komagena o Yohanes wotemo.

Yohanes 11:43

Kagena de Una woaso womatoore Awi ili wolamo-lamo unaka wotemo, “He, Lazarus! Ngona nahinosi kanena!”

Yohanes 3:19

Ona yasisala so bilasu dede o Gikimoi imakitingaka, sababu o nita ma duhutu moi o Gikimoino yahino dabolo o duniaka, ma ngale o Gikimoi wasimane o nyawaka. Duma nakoso o nita de o bubutu, la kanaga o bubutu gena o nyawa asa foloi yodupa, sababu ona magena yodupa o dorou yaaka.

2 Korintus 4:6

Ma orasi idodomaka o Gikimoi o dunia gena wosidadika, de wotemo, “He! Nita o bubutu ma rabano nodadi.” De o Gikimoi Una magegena lo o nita, so wodisiwa to ngone nanga sininga ma rabaka la aku panako de lo pakelelo o Gikimoi Awi kuasa gena igogou ilamo, kiaka kanaga o Yesus Kristuska de pakokelelo, maro idodomaka de o Yahudika ma nyawa o Gikimoi Awi nita ma siwa yakelelo gena o Musa awi bioka.

Efesus 5:14

De o kia bato la kanaga aku yakelelo itiai komagena, gena asa itagali la idadi o nita. Magena ma ngale o demo ma duuruka manena itemo, “Ngona nikokiolo gena hika nomomi, o sone ma rabano nosupu kasi, de ma Kristus Awi nita asa nidisiwa ngonaka.”

Efesus 5:8

Idodomaka, de ngini maro o nyawa o bubutu ma rabaka de itagi, duma o orasi manenaka de ngini de o Jou nimarimoika so ngini lo kanaga nitagi o nita ma rabaka. So ngini bilasu nitagi de nia gogoho kiaka itotiai, maro o nyawa la kanaga o nita ma rabaka itagi.

1 Timotius 6:16

Cawali Una womatetengo gena ka sidutu ikakali. Una wogoge maro o nita isosora ma rabaka, de o nyawa moi lo yaakuwa iwitorifa. De ka o nyawa moi lo iwikelelo waasi eko o nyawa moi lo iwinano yaakuwa. So ngohi togolo tanu Awi ronga posilamo de o horomati Unaka, de lo tanu Awi pareta ma bati lo ihiwa. Amin.

1 Yohanes 1:5

Ma Kristus Awi demo mioiseka de lo minisingangasu nginika gena, maro ma duuruka magenena: O Gikimoi Una Awi sininga ma rabaka gena o dorou moi lo ihiwa, maro o nita so kanaga o bubutu lo ihiwaka.

1 Yohanes 2:8

Duma o kia kanaga isuloka gena ngohi tinidelefo nginika, magena lo o hali damomuane moi. Sababu magena aku panako ma ngale ngone so ma Kristus wisangisara daboloka, de ngini nia manara ma dorou idodomaka gena niodongosaka, de o orasi manena nimatekedodara moi de moika. Magena maro o bubutu so ipasaka, de o orasi manena o nita ma siwa itotiai inidisiwa daboloka.