2 Timotius 4:9 - O GIKIMOI AWI JAJI ma BUKU

⁹ Tanu nomataika nomasidailako la upa iteka de nahino kasi ngohino.

2 Timotius 4:9 ပူးပေါင်းရင်းမြစ်များ

2 Timotius 1:4

Sababu tosininga ipapasaka ma orasi ngohi totagi de ngona tonidongosaka, kanaga de ani kongo de ani sirangu. So ngohi ai dupa foloi daputuru tanu ngona de ngohi aku pomakamake kali la ai sininga foloisi danali.

2 Timotius 4:21

Tanu ngona nomasidailako daloha la o alo de o rato ma orasi itagi waasi de ngohino nokahinoka. De lo o Ebulus, de o Pudes, de o Linus, de o Klaudia de yadalasi nanga dodiao o Jou Yesus iwipipiricaya ona lo manga salam isidingo ngonaka.

Lukas 12:58

Posiade-ade, nakoso o nyawa moi la ngona woningaho, awi edekati wonikalaki o hakimka, ifoloi daloha ma orasi ngini niado waasi, de hika ngona de una magena nimakadame kasi. Upa sidago o nyawa una magena asa wonitota o hakimka, de o hakim lo nitota o polisika, de lo o polisi done asa nitota o bui ma tahuka.

Titus 3:12

To ngohi ai edekati kanena o Nikopolis ma kotaka togogesi sidago o alo de o rato ma orasi ipasa, so ma orasi o Artemas eko o Tikhikus la kagena imasidiado ngonaka, de ngohi tonisulo ngona tanu nomasidailako daloha la nakahino ngohino o Nikopoliska.