2 Timotius 4:3 - O GIKIMOI AWI JAJI ma BUKU

³ O demo moi-moi talelefoka magena bilasu naaka, sababu ma orasi asa imasidiado de o bi nyawa asa o dodoto itotiai gena isigise kawa, duma ona manga edekati gena o kia bato ona yodupa magena isigise. So ona asa o bi guru ikokulai yangaho de yasingosa la o bi guru magena isingangasu yamote to ona masirete manga nyafusu ma dorou, sababu o moi-moi magena manga siningaka yadahe so ona lo yodupa yasigise.

2 Timotius 4:3 ပူးပေါင်းရင်းမြစ်များ

Lukas 20:19

O bi guru agama de lo o imamka ma bi sahe to Una Awi ade-ade gena yoise, de ona yanako Una wasimeta onaka. So kagena de ona imasikadailako la o orasi magenaka tanu Una iwitago. Duma ma ngale ona yamodo o bi nyawa yadadala, so ona idadi kawa yaaka.

Lukas 6:26

Nibodito to ngini nia giliri o nyawa yangodu isimane, sababu maro komagena lo idomaka nia ete de nia topora lo o bi nabi ikokulai ona manga giliri isimaneka.”

Yohanes 8:45

Duma Ngohi Ai demo gena itotiai. De komagena so igogou, Ai demo gena ngini asa niaholu so Ngohi lo niholu nipiricaya.

Rasul 17:21

(Manga dupa komagena sababu o Atena ma nyawa de o bi nyawa ma somoa igogoge o orasi isigeto-geto kagena foloi yodupa isigise de isibicara o kia naga moi nakoso damomuane.)

1 Korintus 2:1

Ai dodiao nipipiricaya, ngohi manena ma orasi idomaka de taado nginika, o Gikimoi Awi habari daloloha tinisihabarika gena, ngohi ngini tinisibicara upa de ai demo daloloha eko icocawaro.

1 Korintus 2:4

De o demo de o dodoto tosihohabarika magena ngohi tosibicara, upa de ai demo icocawaro so tinibaja, duma ma orasi o habari daloloha ngohi tinisihabari gena itotiai nginika de o Gurumi Datetebi ma kuasa la aku ngini tinisikelelo.

Galatia 4:16

Awadede! O kiaso o orasi manena naga de ngohi o bi moi-moi itotiai tinisingangasuka, de ngini o orasi manena nitemo ngohi gena maro to ngini nia lawangi moi.

1 Timotius 1:10

De lo ona de manga nyafusu ma dorou de yanau de yanau imasikiidu, de ona o nyawa yatosi la yasiija maro o gilalo, de ona yatotodamatoko, de lo ona manga sasi isigoguule. O demo magena o Gikimoi waaka ma ngale ona magena yaaaka o moi-moi o kia bato imaterowa de o dodoto itotiai.

2 Timotius 1:13

Sababu o Yesus Kristus woniriwo ngona, so aku nowipiricaya Unaka de aku ani dodara o Gikimoika de o nyawaka, komagena bilasu nosingangasu nokaeli o dodoto itotiai imatero noiise ngohino.

Yudas 1:18

Ona itemo nginika, “Done o orasi ma dodoguka la kanaga o nyawa asa yoholu yaaka o bi moi-moi o Gikimoi wodudupa, duma manga dupa masirete bato magena yaaka de yamote. So ona magena asa yahino de inigagaka de inisiihe nginika.”