Yurat 1:9 - Ala Wone Peenok Peebi Mbanak

⁹ Muta kangge mbareegi, at yonggo mbogut paga nugu menggaarak inowe Mikayen Tile imbirak, “Eebe an koloorak kat koloorak,” nili-kili yogo logonet, at Mikayen nen, “Kat abu maluk lombok me, kambu o,” yinuk, Tile yoriyak op aret kwe, agabiti nen, “Nogoba nen mban mbekkirigin o,” yinuk, yoreegerak kwe,

Yurat 1:9 ပူးပေါင်းရင်းမြစ်များ

1 Mbinineegwaarak 12:17

at Ndawut iya wungge nagagerik, it yorage logonet, “Kit yeenggwa niruwok nduk, kiniki abu abe paga an neya wogwe kiinok, niyo'me ari woroorak op aret kwe, an maluk ambi eeka'lek kagak nggaganagalo negen eekkoloorak nduk, wogotak kenok perak, ninogoba Ala eenu aret me, at aret onggo eeppinagage kaamunggup o.”

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Ndaniyen 10:13

aakumi Peritiya mendek inarum waka at nagawan nogo nen, Noorak lek o, yinuk, naru non mbanogo panege kagak, nogo 21 yit wagarak o. It aakumi Peritiya mendek inarum waka at nagawan ti'nen yilunogo panegerak wonage me, it abok inarum waka inowe tiyanak Mikayen nogo neya wage nagaarik, yeenggwa nege mbaki, wagi o.

Ndaniyen 10:21

an naga'lek logonet, abe wone mbuku paga liiru mbanak nogo aa'nduk yokkiri o. It aakumi inarum waka nagawan mbere ti, eeriyak koonggwi nogo tebenogo piiga an yeenggwa niri wogwe lek, it kat mendek inarum waka nagawan Mikayen nen mban yeenggwa niri wage menggerak me,

Ndaniyen 12:1

Ari nagagerik, at aakumi inete kwak nogo nen ambinom ari logonet, “Ne ti eyom paga it aakumi kat mendek inarum waka endage abu tiyanak nagawan Mikayen nogo mi'narigin o. Mi'nage kenok, aakumi aaninggin-paaninggin mondok alik negen inoba kwi'narigin o. Aaninggin-paaninggin inoba kwi'narigin nogo ti, yi aakumi ndi aakumi wiganit wundi wogo logonet, inanebunu awo kin aga'lek kuli nen nok, at mi'naremenggerak kuli, aaninggin togop inoba kwi'nageelik kwe, ti eyom paga aret kwi'narigin o. Togop kwe, ne ti eyom paga it aakumi kat mendek Ala ambuku paga inendage liiru mbanak wonage kenok inagap ndarigin o.

Takariya 3:2

Titi'nege mbaki, Aliku ALA nen at Tile nogo yoge logonet, “Kat Tile yi wae. Kani arowa nengge kero, kiinogo wumbogo mengga kwak, at aap yi, togop aret wonage kagak, kat Tile yagandak paga Naliku an ALA nen aret mbekkege, kota Yerutalem leenogo pateegirak Naliku an ALA nen mondok onggo eeppagage, eerigin o,” yinuk, yoge kagarak.

Marakut 15:29

Peenok-peenok piigo mbareegwa, it aakumi ando nogwe-wogwe nogo inuut walok yogo logonet, “Keyik! An Ala awi wurik minogo punuk, obaane'me wuke neegak, nogo mbere yigin, yagandak nogo, keebe eyo paga nabenogo pagagaarak ti, kagap ndakko'nok wambi mok ubi,” yinuk, miyuk-meya eerogo pereegwaarak.

Pelaareegerak 34:6

Kangge mbareegi, at Aliku Ala nen o kota Mbet-Peyot yime pa'nggwe o Mowap kobappaga time aret nggween taambereegerak kwe, taambereegim time aakumi ineenggo'lek o yogondak kuli kobak aret wonogwe o.

1 Tetalonika 4:16

At ninowe lombok kuum ari, yonggo mbogut paga inowe nogo oone ari, Ala amendek oone nggwok eeka trompet nogo oone eeke, eeko logonet, ninowe mbogut paga nen wambi wage kagak, it aap Keritut inom kunik logonet, kambeegwaarak nogo, at Ala nen inaa'nduk mippiyaagin o.

Wayu 12:7

Ti eeke kage nagarik, at Mikayen awuri malayikat mendek inom nen at waalo nggwok tinambe pogom nogo, awuri inom mbogut paga time wim nambukwi iigirak.