Yurat 1:3 - Ala Wone Peenok Peebi Mbanak

^3-4 Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.

Yurat 1:3 ပူးပေါင်းရင်းမြစ်များ

Nekemiya 13:25

mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yeremiya 9:3

Aliku ALA nen ari logonet, “It aakumi ti, inamili yigin agale wurik paga maale lumbunuk tekkoorak kwak logonet, Pilit pugunogo nappit noorak mban koonogo pugwi, It wone abet aret agan nugwi nogo o yime wiganogo pugwi lek pilit wone mban wiganogo pugwi, Ala ti, ninogoba aret o, yinuk, yaga'lek maluk ambi eekak mban eerit nugwi, Eeko menggaarak o,” yinuk, yegerak o.

Nappiigak 17:3

Yorage logonet, “At Ala nen leenogo mippereegerak Keritut nogo, andi yagan wappunuk, kambunuk nogo menggam nen eenik a'nuk mi'nariyak koonak wonagagerak me, mi'nagagerak o,” yinuk, amburu mbanogo liirogon yorage nagagerik, “Yetut eereegerak yokkirage yi, Ala nen leenogo mippereegerak nogo, at aret o,” yinuk, yoragagerak.

Nappiigak 18:28

It Yakuri mendek at inom nggwok me wone wako logonet, at Apolot nen Ala wone liiru mbanak paga, “Ala nen leenogo mippereegerak Keritut ti, Yetut aret o,” yinuk, onggo yoriyak lek mondok lok kunik yorage nagagerak.

Nappiigak 28:28

Togop me, at Ala ninagap ndariyak wone yi nogo ti, it endekem mendek konenuwak nduk yora nagun aret me, it perak, konenugun aret mbako logonip o,” yinuk, yoragagerak. (

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

Nappiigak 6:7

Ndi, Ala wone nogo nggwok aret wiganinuk nage kagak, o Yerutalem time it at oone woorak nduk ambi nabek unggwagak mban eeko logonet, ambik aret ogwe, ndi, it Ala unde nogo kunduk ambik aret, “Wone waawi o,” yinuk, abet mbakwi, eereegwaarak.

Nappiigak 9:13

Yoge mbareegi, at Ananiyat nogo nen, “Nogoba o. At aap nogo, kapuri alik leenak o Yerutalem menggaarak maluk eeginabit nege yogwe nogo an muk konenggirak o.

Nappiigak 9:22

Togop aret yogo nogogwaarak kwe, at Tawulut nogo nen wone yorage logonet, “Yetut ti, Ala nen leenogo pereegerak aret o,” yinuk, abet mbaruwak nduk, “Ndogop eeke nagagerak o,” yinuk, agan nage nogo mban wiganinuk nage logonet, it Yakuri mendek o Ndamitik wonogogwaarak nogo inoone nonggop yuubok eerogo piyareegerak.

1 Korindut 15:3

Togop me, an wone waganeegirak kit mondok iya mbarubagip nduk yokkirage nagagirak nogo eebe yi o. Ala wone liiru mbanak ndak-ndak, nit maluk eekwi niinok, at Keritut ninake aret kambeegerak.

Nggalatiya 2:5

kit Ala abet aret ari menggerak wone obeelom wone waganeegutak nogo mban enaani porogo logonet, eerit nogo logobagip nduk, it eeriyak nduk unggwi wogogwaarak nogo, “Ambiriluk ambi eeruwok o,” yinuk, “E o.” yoroolik mbo piyareegurak.

Nggalatiya 3:28

Kinobaabut ambit Keritut mendek ogogutak me, yi Yakuri mendek yi Yunani mendek, yi aap inayeloman aago mendek, yi aap inayeloman aago lek mendek, yi aap yi kwe, togop yuurak mondok lek aret o. Nit abok Keritut Yetut ninom kunik me, nineebe ambit aret ogoorik o.

Nggalatiya 6:11

An neenggi lombok paga liiru yo'nggok lombok mbanggiragi yi kaanip o.

Epetut 1:1

Ala mbareegerak paga Keritut Yetut ayonggo nappiigak mendek agago paneegerak an Pawulut nogo nen kit Ala apuri at ake leenak Keritut Yetut kinom kunik logonet, obeelom wone liirogon mugurok nogo monggotak o Epetut wonogwe nogo, wone ambi yokkira o.

Pelaareegerak 21:9

Ndi, ti eekwi kiinok, at Aliku ALA enegen kagak wone yugu nogo ndak-ndak aret eerumunggup me, aap ugun kagak warak amiya nogo, Ninoba logogin lek o, yinuk, eyoongga inoba nggoorogo nappogo mengga kwak eerumunggup o,” yoragagerak.

Pelaareegerak 9:10

Nogome wonage me, yugum tabak mbere'ndak paga at Aliku ALA eenggi lombok paga nen liiru mbaneegerak nogo an wo'nereegerak. Wone eebe yugum tabak nogo paga mbanak ti, kit kineebe puut abu'me kuwak aago kiigak, kani omoonuk wunuk ari enggela'me time at Aliku ALA nen wone, Yogop ee'nu ndogop ee'nu, yinuk, yokkirage kogogutak nogo aret o.

Pilipi 1:1

Kit Keritut Yetut kinom kunik Ala apuri ake leenak o Pilipi wonogwe inom, Ala apuri inarum monggotak inom, aap yeenggwaaragak inom, kit abok aret Keritut Yetut ayeloman mini an Pawulut Timotiyut nimbirak nen wone ambi yokkiraawi o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Kolote 1:2

kit abet mbareegutak Keritut kinom kunik ninoreewi Ala apuri ake leenak o Kolote wonogwe nogo, wone ambi yokkiraawi o. Ninogoba Ala iniki kunik nen wokkirage, ndi, kiniki ugun tayenak ale'nggen logobagip nduk, eeppinagage, eeke logogin o.

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

1 Timotiyut 1:18

Ndi, naput Timotiyut wae. Wone lengganogo yokkigirak ti, mondok unde logonok nduk, yokkigi o. Kat awo eeka'lek keegak, “Peebi ndogop eeke logomunggun o,” yinuk, yokkereegwaarak wone nogo ndak-ndak aret yokkigi o. Kiniki abet mbariyak inom, kiniki obeelom koonnage kenok mban eeriyak inom, mondok nggirik-nggerok agago porogo logonet, aap wim waka'ngget menggi kwak, kat togop aret kalilaakwi eerit nage logot o. It aap ando iniki obeelom koonnage nogo taganogo punuk, alik eerit nugwi me, yiiro eyo paga lik ari logonet, yigirik-noonom age menggi kwak, it abet mba'nuk waganeegwaarak wone nogo togop aret yigirogo mbo pereegwaarak me nduk yokkigi o.

1 Timotiyut 6:12

Nit abet mba'nuk mugurok nogwe nogo, kat kunduk mugurok nage logonok nduk, mondok wakkagak eeke logot o. Ndi, keenik mondok logonok nduk, kayonggo pege mbareegi, kat abet mbareegindak aakumi ambik inenggaanom paga paganeegindak nogo, nggirik-nggerok agago porogo logot o.

2 Timotiyut 1:13

Wone kole wone kat nen it in wakkagak eeke logonok nduk, yokkege nagagirak nogo porogo logot o. Keritut Yetut ninom kunik logonet, wone kole wone yi, abet mbake, ndi, aakumi kinom kunik aganake, eeke logonet, porogo logot o.

Iberani 13:22

Noreewi o. Kit eeko logorak an wone mbuuluk liiru mbanggiragi yi, kiniki abe paga waganggo logobagip nduk, yokkiragi o.

Iberani 6:9

Noreewi o. Kit nit niniki kunik me, wone ti eeriyak yokkirogoorak kwe, Ala nen togop eekkinaburak nit mbaka'lek ogoorik o. Kit muk kinagap ndareegerak me, Ala nen aakumi inagap ndake logonet, obeelom eeppiige logorak mbareegerak nogo aret obeelom mban eekkinake logogin mbako ogoorik o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

2 Peterut 2:21

it aakumi maluk eeko menggaarak nogo nen Ala ari menggerak wone woppunuk, eerit noorak wone nogo, ineenggo'lek logonet, maluk eerit nogo logonetak en ti, op negen kwe, wone, “Yogop ee'nu, ndogop ee'nu,” yugu alik leenak nogo, abu ineenu logonet, maluk eekwi ti perak, abu maluk lombok aret o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.

Yurat 1:17

Togop kwe, noreewi o. Kit an niniki kunik wonogwe me, wone ambi yokkira o. At ninowe Yetut Keritut nen nappiigak mendek agago mippiyareegerak nogo nen wone aa'nduk yokkirogo nogogwaarak nogo abeko logonip o.

Yurat 1:20

Togop kwe, noreewi niniki kunik kit perak, kit kiniki kole aruwak nduk, wone abu alik leenak kit abet mbareegutak wone nogo mban eerit nogo logonip o. Ninowe Yetut Keritut ninabuwa nen mondok-mondok nineenik eeppinaniyak nogo, eeppinanuwak nduk, tokkogo logonet, Ala iniki kunik eekkinake nogo eeppinagagak mban eeke kogo logomunggup nduk, Aberiniki yokkirage kagak tamban eeko logonip o.

Wayu 12:11

It ninoreewi nogo nen Ndomba Aagaluk amiya wundeegerak abet mba'nuk, iniki ti paga panggombunuk logonet, Ninooriyak op aret o, yinuk, Inagabiti lek Ala wone wonok yoranet nugwi paga Tile tebenogo pugwi me,

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.