Yunut 4:8 - Ala Wone Peenok Peebi Mbanak

⁸ Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.

Yunut 4:8 ပူးပေါင်းရင်းမြစ်များ

Wakkagagerak 41:6

Kage nagagerik, peebi mbato anggen lik anggen lek 7 kuli yugu me, o wiya oonegen wundi wage menggim pa'nggwe nen warit wage logonet, mbuk eerogo pit nage kagagerak.

1 Endagembogut 19:4

at Eliya nogo, o ne ambit weege paga nogo mengga kwak, o karume unggwi nage nagagerik, eyo lo alome kwi'na'nuk, kambikit mba'nuk, tamban eeke logonet, “Kaliku nogoba ALA wae. Nombomini abu eeppunuk, kambit nogogwaarak nogo kwe, an iya negen eeka'lek neegak teppanege agandik? Mage o. An togon abu eekirak me, kambikit nduk, niniki wamen o.”

1 Endagembogut 21:4

Yoge mbareegi, aap Yiteren mendek Nabot nen, “Nombomini ineyate nggween wo'nereegwaarak nogo wokkirigin lek o,” yinuk, yoreegerak ti paga at Akap nogo ale'nggen lek a'nuk, iniki aagi wo agan ame nage nagagerik, nogo yege menggim winna'nuk, enete aagi wu eeppunuk logonet, mbi nengga'lek wonagagerak.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ayup 7:15

An nagabolo yi paga neenik logorak mbakeelik o. Nenggaanok nggubuk togon kambikit lak, Ao, mbake agarik o.

Ndawi 121:6

O liingge mo andi nen andi eekkinake, Oonikiya paga tut nen maluk eeppinagage, Eerigin lek o.

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Wone Alom Kibingga 7:9

Anini wundiyak nogo ti, aap iniki lek wi negen inikime menggerak me, kinanini mbet-mbet wunggak yuurak ti mage o.

Ndawi Iya 1:6

An neebe mili me, ndi, Mo eyak nen neebe mili eerogo panegerak me, Kinigen malik-malok ee'nakwi ti mage o. An nawurilogwe-nowewologwe nen an mbe'nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga'lek eraangge mbo pigirak o.

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yetikiyen 19:12

Togop aret kwe, aakumi inanini nen kinogo nggween paga nggimbogo mbareegwa, O wiya oonegen wundi wage menggim pa'nggwe nen warit wage logonet, aganggen nen eyo nogo teebat eerogo pege kenok, Anggen yugu nogo mono-mono wambit nagagerak o. Ndi, eno'mbak omaawi nogo kalenak-pugunik nagagerak mbuk age mbareegi, kani nen tigitogon nenggegerak.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Yunut 1:17

Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o.

Yunut 1:4

Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,

Yunut 4:3

Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”

Yunut 4:9

Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”

Matiyut 20:12

It peebi unggwagaarak yi, we mbuuluk aret eekaarak. Ndi, nit perak, mo andi paga yabu ta'li laarak nggwok eekoorak kwe, kat nen, Inom ndak-ndak eekaarak, mba'nuk onggo ninom ndak-ndak wo'niragandak yi, meek aret keego o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.

Wayu 7:16

Ndi, wone lengganogo yorage menggim oolo lombok menggerak Ndomba Aagaluk nogo nen ineebe liirogon aret ndegeninake, Ineenik mondok logowak nduk, niyo eneeri abe mili me piya nage, Eerigin me, Mbi abu aganake, niyo abu aganake, mo andi inooke, o aganggen nen ndeyak eerogo piige, Eerigin mondok lek o. It le yogwe iinok, Ala nen aret inale amburu lek eerogo piyamenggerak logogun o,” yinuk, yo'nege kagarak.

1 Tamuwen 3:18

Yoge mbareegi, at Tamuwen nen wone nogo ambit-ambi teppuulik abok aret mbininogo Eli yoreegerak. Yoge mbareegi, at Eli nen, “At Aliku ALA aret me, at eeriyak op kage kenok mban aret eeruwak o,” yinuk, yoreegerak.