Yunut 4:5 - Ala Wone Peenok Peebi Mbanak

⁵ Yoge mbareegi, Yunut nogo o kota nogome mbo punuk, wundi nage nagagerik, o kota oonegen lagi wage menggim pa'nggwe time kwi'nagagerak. Time ooliya ambi wuppake nagagerik, ngguna'me time kwi'na'nuk logonet, “O kota time nano age kaamun?” yinuk, enegen wagangge puk wonagagerak.

Yunut 4:5 ပူးပေါင်းရင်းမြစ်များ

1 Endagembogut 19:13

Oone yanggik-yanggok agan wage Eliya aruk konembunuk, ayum enete paga nobakkolage nagagerik, ndo ambe paga taa'nogo puk ari wundeegerak wonage me, oone ambi at yoge logonet, “Eliya wae. Kat yime nano eeke agandik?” yoreegerak.

1 Endagembogut 19:9

Ari nage nagagerik, ndo ambime nogo yikit nduk, unggwi nagagerak. Unggwi nanuk, nogo yege me, Aliku ALA nen at yoge logonet, “Eliya wae. Kat yime nano eeke agandik?”

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yunut 1:5

it aap yiiro wonok nega abok aret inagabiti aganake mbareegi, inalitak lombok inoone nggwok paga inagugi yeenggwaaraawak nduk yogwi, yiiro aaninggin teeluk aruwak nduk, yi mendek ndi mendek yonggolak nogo abok waganogo niyo laut inikime mbo wuppugwi, eereegwaarak. Ti eekwi iigak, at Yunut nogo yiiro akombaga lombok wambi nage nagagerik, time winna'nuk nogo nggaruk togon yereegerak wonage me,

Yunut 4:4

Yoreegerak kwe, Aliku ALA nen at yoge logonet, “Kat kanini mbake ti, op aret mbake agandik ya?” yoreegerak.

Yunut 4:6

Ooliyana nogome wonage kagak, Aliku Ala nen nggiyo ambi wunduwak nduk kooneegerak me, at Yunut mo andi anobak tele-tele eeke kenok, ngguna'me logowak nduk, anggup-engga paga nobarogo pege mbareegi, Yunut nogo nggiyo wundeegerak paga ale'nggen ambik mbareegerak.