Yunut 2:9 - Ala Wone Peenok Peebi Mbanak

⁹ An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.

Yunut 2:9 ပူးပေါင်းရင်းမြစ်များ

2 Tamuwen 15:7

Ndi, tahun 4 eeppunuk, at Abatalom nogo aap endagembogut yoge logonet, “An kayeloman o Aram kota Nggetut paga time logonet, at Aliku ALA yoge, Kaliku ALA nen wo'neren niyokan o Yerutalem pani nage keenok, an o Keboron time Kaliku ALA kalut eeri nagin o, yinuk, wone kumbuk mbanogo yoreegirak me, yoreegirak nogo a'me lik yuwak nduk, o Keboron naakit nen, E, yo'niru o,” yoreegerak.

Ayup 22:27

Tamban eeke keenok, Ala aruk konengge, Yogop eerigin o, yinuk, wone kumbuk mbanemenggendak nogo, A'me aret eeke logonok nduk eeppagage,

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 3:8

Kaliku ALA ninagap ndari wage menggendak me, Kale'nggen kapuri ninoba pinanege logot o.

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 68:20

Ninogoba Ala ti, Nit ninagap ndaka Ala aret me, An nooremenggaarak kangge neyo, Aliku Itok Menggerak ALA nen An neebe nili ari logogin o.

Ndawi 95:2

At owagam nanuk, “Wa!” yogwi, Ninale'nggen paga ndawi wako logonet at alut eekwi, Eeko logowok o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yeremiya 33:11

aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Yaya 4:22

Kit alut eeko monggotak eebe kineenggo'lek logonet, alut eeko monggotak kwe, at ninagap ndaka nit aap Yakuri ninenggela'me nen mi'narigin me, nit alut eekwi nogo perak, nineenu logonet, alut eeko monggoorak o.

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Pelaareegerak 23:18

At Aliku kinogoba Ala ti, kumi-aap we ugun wurinakwi ineebe inom, wurinakwi onggo pugu inom, imbirak abu eebi lombok mbake menggerak me, kumi a, aap a, ugun wurinako logonet, onggo wu pugu nogo ti paga, Ala ndogop wogorikit o, yinuk, kumbuk mbanogo punuk, at Aliku kinogoba Ala awooliya wurik me ake pi unggwogo logorak ti mondok mage o.

Iberani 13:15

Togop me, eyoonggen abe yi'nage menggi kwak, “Yetut ninowe aret o,” yinuk, Keritut ninake eereegerak paga Ala ake warogo wogogwi negen, nit kulinik-kalinik ninoone paga Ala alut eeko logonet, endage tiyappegak mban eeko logowok o.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,

1 Tamuwen 12:21

Ala mbo punuk, obaane'me kugiwak inayuk wuko logonet, mugurok nogwe nogo inomaawi lek aret me, yeenggwa kirogwe, kinagap ndakwi, eekkinabugun lek kagak we aanom warogo mugurok nogwe me, mugurok nogo logorak mage o.