Yunut 2:7 - Ala Wone Peenok Peebi Mbanak

⁷ An niniki abu woroniyak ee'nake kagak Kaliku ALA koba abekkake, An tamban eeke nogo noone ndayo-ndayo karuk me unggwi nage, Kat kawi wurik alik leenak nogome ari unggwage, Eekerak o.

Yunut 2:7 ပူးပေါင်းရင်းမြစ်များ

2 Mbinineegwaarak 30:27

Lako nogogwaarik, it Ala unde inom, Lewi mendek inom, inale'nggen aakumi inoba piigo logonet, inake tamban eereegwaarak nogo at Ala leenogo pateegim o mbogut paga wonage logonet, aruk koneneegerak.

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 143:5

An togop ee'nake kenok, Aa'nduk lombok eerit wagagindak nogo abeke, Eeke menggendak abok aret niniki koonit nage, Keenggi omaawi paga eereegindak nogo liippege, Eeke agarik o.

Ndawi 18:6

Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Ndawi 22:14

Niyo kiluk ari logonet lek age menggi kwak An nomaawi lek age, Nowak woro-woro nage, Tu'ngga amburu nggalo agan wangge menggi kwak, Niniki aan ndu agan wangge,

Ndawi 27:13

O nggween paga aakumi ineenik wonogo menggam yime At Aliku ALA nen Aakumi obeelom eeppiinet nage menggerak nogo An togon togop ee'nabigin abet aret mbake agarik o.

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 42:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, lombok mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” yinuk, yoge agarik o.

Ndawi 43:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoreegirak o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yunut 2:4

An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,

Mika 1:2

At Aliku kinogoba Ala awi alik leenak menggim logonet, “Ndogop eekwi kiigirak o,” yinuk, yokkiraawak nduk, Kit yi aakumi ndi aakumi abok aret yi wae. Kinaruk konenggwi, O nggween inom, o nggween paga wonogwe inom, abok aret yi wae. Kinaruk liirogon konenggwi, Eeko logonip o.

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.

Iberani 12:3

It aap maluk eeko menggaarak nogo nen Yetut mondok ineebi mbako logonet, maluk eeppugwi iigak, at ogogumbuk logonet, wagangge nagagerak me, kit ta'liila eekkinake logonet, kineebi eekkinake kero, at eereegi kwak eeko logobagip nduk, liippogo logonip o.

1 Tamuwen 30:6

It Ndawut awuri nogo inakuwi inapurilogwe wologwe-komologwe wogoren nogogwaarak paga inanini agaket yogo logonet, Ndawut nogo yugum paga wariyak nduk koonggwi iinok, at Ndawut nogo iniki piirik agagerak kwe, at iniki Aliku ogoba Ala oba panggombunuk mondok nu'lek aret wonagagerak.