Yunut 2:10 - Ala Wone Peenok Peebi Mbanak

¹⁰ Tamban eeke mbareegi, Yunut eebe kilirogo wumbuwak nduk, Aliku ALA nen yikwe nogo yoge mbareegi, at Yunut nogo peyak negen wurogo niyo aa'nggi paga wumbereegerak.

Yunut 2:10 ပူးပေါင်းရင်းမြစ်များ

Wakkagagerak 1:11

Mbake nagagerik, at Ala nen, “Nggween yi paga iri'ngga-kale'ngga etenggen alitak mendek abok aret wundit nogo logomenggaarik, it mendek mban anggen yi'nage, agarip lagit nage, eeke logowak nduk, wunduwak o,” ari kagak, togop aret

Wakkagagerak 1:14

Ti age mbareegi, oonikiya-liingge mogonak logonet, o weege, o kiip age, yi eyom ndi eyom age, oonegen lagangge-wangge, eeke logorak nogo kenom age, ndi, o oolo ya'i nenaarak nen nggween paga o eya eeke, eeke logowak nduk, Ala nen, “Abinak warak mendek mbogut paga aruwak o,” ari kagak, togop aret

Wakkagagerak 1:3

Wiga agan nege kagak, at Ala nen, “O eya aruwak o,” ari kagak, o eya aret agagerak.

Wakkagagerak 1:7

niyo agi-ogu aret mogonnage kagak, o oolo ya'i nenaa'nagagerak.

Wakkagagerak 1:9

Ti age mbareegi, at Ala nen niyo mogonogo o oolo yime nenaarak abu'me pereegerak nogo, nggween kenom aruwak nduk, “Ambit me kuwak aruwak o,” ari mbareegi, aret agagerak.

Ndawi 105:31

At Aliku ALA oone ari kenok, Ti'neebon ninggi'nuk wogwe, Iname abok aret laami nggit-nggit unggwit wogwe, Eereegwaarak.

Ndawi 105:34

Aliku ALA nen ari kenok, wurin unggwit wogwe, Yibila ineenggi lingginiyak meek nogo ninggirit wogwe, Eeko nogogwaarik,

Ndawi 22:26

Aap ineenggi lek nogo inambi ndonggorogon nunggwi, It Kaliku ALA mukkeren nogo menggaarak nogo It aap ti mendek mondok-mondok aret logogun me, kalut eekwi, Eeko logogun o.

Yetaya 38:20

Kaliku ALA nen an nagap ndarogo pani wagandak me, Nit Kaliku ALA kawi wurik me time mondok-mondok logonet, Yi nggitat ndi nggitat oone eekwi, ndawi wakwi, Eekwi tit niigak kambuurak kuli ari nagin o,” yoge mbareegi, ndawi pereegerak liiru mbaneegerak ti aret.

Yetaya 43:11

An o! An ti, Naliku ALA aret o! An lek neenok, inagap ndaka ambi mondok lek aret o.

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Yunut 1:17

Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o.

Yunut 3:1

Ti'nuk, Aliku ALA nen ne ambinom Yunut yoreegerak.