Yunut 1:5 - Ala Wone Peenok Peebi Mbanak

⁵ it aap yiiro wonok nega abok aret inagabiti aganake mbareegi, inalitak lombok inoone nggwok paga inagugi yeenggwaaraawak nduk yogwi, yiiro aaninggin teeluk aruwak nduk, yi mendek ndi mendek yonggolak nogo abok waganogo niyo laut inikime mbo wuppugwi, eereegwaarak. Ti eekwi iigak, at Yunut nogo yiiro akombaga lombok wambi nage nagagerik, time winna'nuk nogo nggaruk togon yereegerak wonage me,

Yunut 1:5 ပူးပေါင်းရင်းမြစ်များ

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

Ayup 2:4

Yoge mbareegi, Tile nen Aliku ALA yoge logonet, “Neebe ili o. Neenggi wonage o, yinuk, yogo menggaarak me, ineebe inooriyak eekwi iinok, inamendek abok aret kabelogo wogorogo menggaarak o.

Ndawi 107:25

At Aliku ALA nen oone ari kenok, O wiya nabuninuk wage logonet, Niyo kilaarak-mogonik eerogo nippit wage paga

Ndawi 148:8

O yabok inom, mayu anggen inom, Ndugu-ndugu inom, iyaagi inom, at Ala nen yokkirage kenok eeka o wiya nabuninuk naga inom,

Wone Alom Kibingga 3:6

Kwaariyak eyom wonage, kwaaka'lek mbo puurak eyom wonage, Patogo logorak eyom wonage, mbo puurak eyom wonage,

Yetaya 45:20

“It yi aakumi ndi aakumi inenggela'me nen kole mbaganit nogogwaarak abok aret ti, Kuwak ogo logomenggaarik, nowagam wogwe, Nowagam wa'nuk, ninom wone mbanggwi, Eeko logowok o. It aap inagugi ogut eyo paga ogobakkigirik wonok nugwi, Inagugi ogut eerak nen yeenggwaaroorak meek kagak, nggino yogwi, Eekwi nogo ti, Ineenggo'lek wi negen aret wonogo agaarik o.

Yeremiya 2:28

It Yekura mendek ti, ineenggi paga nen inalut eeriyak inogobamini nen ogobakkigirogo pateegwaarak nogo ngga wonogwe? Inawi kota ambik aret wonage ti kwak inagugi kunduk ambik togop aret wonogwe me, Aaninggin inoba ari wage kenok, inagugi ti nen aret inagap ndari woraawak o.

Oteya 7:14

It nen, Ninogoba yeenggwa niret o, yinuk, iniki abe paga yo'nugwi lek o. Ata, an mbo paninuk, gandum inom, anggur amburu ngget toolak inom, Inambik inagugi nen wo'niraawak o, yinuk, It nogo yogo menggam logonet le yogwe, Ineebe nggawi penek eerogo pakwi, Eeko menggaarak o.

Yunut 1:14

inoone nggwok paga Aliku ALA yogo logonet, “Kaliku ALA o. Aap yi, ane'me nineebe lek eerogo pinanugun o. Kaliku ALA wae. Kat eeriyak mbakendak nogo aret eekendak me, aap maluk eeka'lek kagak wakwi niinok, nit ninoba pinaniyak mage o.”

Yunut 1:16

Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.

Yunut 1:6

aap yiiro unde nogo kwaakkage nagagerik, yoge logonet, “Yogop ee'ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi'na'nuk, kagugi yoru o.”

Matiyut 25:5

Wundi nogo nogogwaarik, kwe kolage nogo waga'lek elaambirik mbareegi, it komologwe nogo, nogolumok aganake mbareegi, nogo yereegwaarak.

Matiyut 26:43

Tamban eeppunuk, iyok paga wage nagagerik, it aap nogo, nogo yuurak eeginake mbareegi, nogo yugwi iyareegerak.

Matiyut 26:45

Tamban eeppunuk, it at oone waganggwi nogo inowagam wage nagagerik, “Kit yonggonggologo logonet, nogo mban yogo logorak mbako ogotik ya? It maluk eeko menggaarak nen an aap aret nda'nagagirak neebe nooruwak nduk wogoroorak eyom muk panggo yi wagaarak yi kaanip o.

Nappiigak 27:38

Ndi, mbi ndonggorogon nonggo nogogwaarik, yiiro teeluk aruwak nduk, gandum yonggolak nogo kilirogo yiime mbo wuppereegwaarak.

Owak Loongga 16:19

Wogo mbareegwa, kwe nogo nen ambulok paga at Timoton nogo yippege nagagerik, aap ambi nen at eeruwak 7 kuli yonggon-yonggon yarak nogo mbaniyak nduk wiireegerak wage nagagerik, Timoton eeruwak nogo mbangge kagak, omaawi lek arit unggwage kwe nogo nen kage nagagerik, “Yogondak abu aret tebenogo pigirak kagi,” mbareegerak.

1 Tamuwen 24:3

Puut paga ndomba anggenogo wurik me taati ndoome ambi wonage me, at Ndawut awuri inom ndoome time ari unggunuk, ilin me wonogwe iigak, at Tawun omayo mbooniyak nduk, unggwi nage nagagerik, mboongge me,