Yunut 1:3 - Ala Wone Peenok Peebi Mbanak

³ Yoreegerak kwe, at Yunut nogo, “Aliku ALA nen ambinom, Nak, yo'nirukwak,” mba'nuk, kole mbaganit o Taritit naakit nduk, o Yope wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa'neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.

Yunut 1:3 ပူးပေါင်းရင်းမြစ်များ

Wakkagagerak 3:8

Ti'nuk, ti eyom paga o kiyoma at Aliku Ala nogo yabume abolok eerit nege inaruk konenggo nogogwaarik, “Niige kero,” yinuk, it imbirak inagabiti nen eyo alome time kiraa'nari nogogwaarak.

Wakkagagerak 4:16

Pege mbareegi, at Kayin nogo Aliku ALA owagam nogome teppunuk, o endage Not o Eren ambo'me oonegen lagi wage menggim pa'nggwe time ari nanuk, wonagagerak.

1 Endagembogut 19:3

Wone nogo eerogo nappereegerak yoge mbareegi, at Eliya nogo agabiti nen agap ndakko'nok ayeloman wulaga nogo imbirak kole mbaganit aakumi Yekura iname o Mberetiyeba time nogo nogogwaarik, wulaga nogo time kagak,

1 Endagembogut 19:9

Ari nage nagagerik, ndo ambime nogo yikit nduk, unggwi nagagerak. Unggwi nanuk, nogo yege me, Aliku ALA nen at yoge logonet, “Eliya wae. Kat yime nano eeke agandik?”

2 Mbinineegwaarak 2:15

Ndi, gandum inom, waabuk negen jelai inom, tayitun amburu inom, anggur amburu inom, nogoba kat nen, Nappi woraakit, yagandak nogo nit kayeloman mini nappinani wage keenok, nonggo logonet,

2 Mbinineegwaarak 2:16

puut Libanon paga eyo kat uugwe mbakendak nogo ndak-ndak abok aret mbanogo pogo logomonggoorik, mbanak nogo keele maarogo niyo kole yenggenak laut paga punuk, wonok, o Yapo kiri wogwe niinok, kat nen wonok o Yerutalem pi namunggun o,” yinuk, eerogo nappi wagagerak.

2 Mbinineegwaarak 9:21

At endagembogut Talomo nogo, yi mendek ndi mendek kunik wonok nagak-wagak eekak yuurak ayiiro ambik wonagagerak me, ayiiro ti, aap Kiram apuri nen wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

Etara 3:7

Ti eeko nogogwaarik, at aap Peritiya mendek inowe endagembogut Koret nen eeriyak yoragagerak nogo ndak-ndak, it aap o yugum paga wuka inom, eyo paga wuka inom, wu wogorogwe, ndi, it aakumi o Tiron mendek inom, Tirut mendek inom, eyo nggabina o Libanon nen wonok niyo laut paga o Yapo pi woraawak nduk, mbi eege, niyo eege, wam amburu toolak eege, wogorogwe, eereegwaarak.

Ayup 1:12

Yoge mbareegi, Aliku ALA nen Tile yoge logonet, “Ti kenok, amindik-amendek abok aret keenggime pagagi o. Ndi, at eebe perak, keenggi mbaanggoorak mondok mage o.” Yoge mbareegi, Tile nogo at Aliku ALA owagam nen wundi nagagerak.

Ayup 2:7

Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ndawi 107:23

It ando nen yiiro paga niyo kole laut paga nugwi, Yi nggwok yenggenak nogo paga Yi mendek ndi mendek kunggo'net nugwi,

Yetaya 2:16

Yiiro yo'nggok o Taritit mendek inom, yiiro abu abe ogobakkigirik abok inom, niyo inikime tebenogo pege,

Yetaya 23:1

Aakumi Tirut mendek eeppiyoorak abinggaanggo paga Ala nen yoreegerak nogo yi aret. “It yiiro o Taritit nen wonok waga ti, Yiiro paga iname o Tirut wogwe me, aakumi nen, Wologwe! O kota Tirut nogo lek eerogo pogo logonet, kinawi wurik inom, kinayiiro paga yinggak-unggwagak eeko monggo'nom inom, lek aga o, yinuk, O Kitim nen konenggaarak nogo ti, abet aret me, inale yikkologo logowak o.

Yetaya 23:10

O Taritit Aagalukwe kota Tirut ti, Yiiro yinggak-unggwagak eeko menggam lek agaarak me, Inanggween paga yabu eeko logowak o.

Yetaya 23:6

It inawi niyo aa'nggi paga menggaarak ti, Inale yikko'net mbet-mbet o Taritit nawak o.

Yetaya 60:9

It aakumi niyo oolo ku'mbanak paga wonogwe nogo, an ari neyo mban abet aret to'neego agaarik o. An ari neenok, yi yiiro ndi yiiro Taritit mendek nen mbuti perak mbuti emas wonok wogo menggaarak me, wonok wogo logonet, At aagalogwe o nda nen inaa'nduk wogoren wogwe, At mondok tiyanak ayuk warak eerogo pereegirak me, An Kikak Nakeelik Nalik Leenak Iterali inogoba Naliku Ala nayuk wuko logonet, iri wogwe, Eeko logogun o.

Yeremiya 10:9

Mbuti perak aan libik-lebek eerak o Taritit nen wonok wogwe, Mbuti emas o Upat nen wonok wogwe, Eekwi iinok, It eyo paga ogobakkigika inom, it mbuti emas paga ogobakkigika inom, nogo nen, ogut ogobakkigirogo pugwi, Yum maa'ngga amu kunik paga, maa'ngga anggup paga, yugu nogo yirippiigwi, Eeko menggaarak nogo It aap ineenggi amburu warak nen mban eeko menggaarak kwe,

Yetikiyen 2:8

Aakumi nen ndarak yi wae. It ti, an yorage eeriyak ineebi mbaka mendek me, kat ti kwak logorak mage o. Ata, an wone yokkege nogo karuk konengge, an nano mendek wokkege neenok, Kambe a, yinuk, nengge, eeke logot o,” yinuk, yo'nereegerak.

Yetikiyen 27:12

At amindik-amendek ambik wonage kenok, it Taritit mendek nen at inom onggo-onggo eeko logonet, it inamendek mbuti perak inom, mbuti owak inom, mbuti timah abinak warak inom, mili inom, wonok at ayigirak-ndigirak wonage nogo kunggola wogwe,

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Yunut 1:10

Yoragagerak nogo konembunuk, inagabiti ambik aganake mbareegi, “Aliku ALA nen kwaa'neege kero, mbaganit wagi o,” yinuk, muk yoragagerak ineenu me, at yogo logonet, “Kat nonggop eekendak o?” yinuk, yoreegwaarak.

Yunut 4:2

Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo'nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee'ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga'lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.

Lukat 9:62

Yoge mbareegi, at Yetut nen, “It aakumi yabu woorak nduk, tuguwa wonok nogwe kwe, yabu wagangga'lek we aret pi wogwe iinok, Ala abu'me piige menggim ungguurak meek o,” yinuk, yoragagerak.

Nappiigak 15:38

Pawulut nen, “At ninom noorak meek,” mba'nuk yoge logonet, “Nit o Pambiliya wonogo logonet, Ninom wone yoranet nawok o, yoreegurak kwe, Neebi o, yinuk, mbo pinaninuk mbaganeegerak me, yogondak ninom noorak lek o,” yoreegerak.

Nappiigak 26:19

Yorage nagagerik, ambinom yorage logonet, “Nogoba Agiripa o. Mbogut paga nen an nabinggaanggo paga yo'nege kagagirak nogo, an eeka'lek minggirak ti lek o.

Nappiigak 9:36

Ndi, kwe Yetut oone waganeegerak ambi endage Tabita o Yope wonagagerak. (Kwe endage ti, Yunani inoone paga, Ndorakat.) At kwe nogo aakumi obeelom eeppiinet nage, ineenggilek iinok yeenggwaarage, eeke nagagerak.

Nappiigak 9:38

O Lira nen Yope koorok aret me, “Peterut wagaarak o Lira wonage,” yinuk, yogwe nogo it Yetut oone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere yonggo nappiyareegwaarak.

Nappiigak 9:42

At Peterut kwe eenik agago mippereegerak wone o Yope time abok aret wigak ari mbareegi, aakumi ambik iniki ninogoba Yetut oba panggombunuk abet mbareegwaarak.

Nappiigak 9:43

Ndi, at Peterut nogo, o Yope time aap tapi agabolo mbelanak ogobakkigika endage Timon imbirak logonet, nogo ambik yereegerak.

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.

Yotuwa 19:46

O Me-Yarokon, Arakon ti aret wogorage, ndi, o Yapo wunggagak nggween yime pa'ne nogo inom wogorage, eereegerak.