Yunut 1:16 - Ala Wone Peenok Peebi Mbanak

¹⁶ Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.

Yunut 1:16 ပူးပေါင်းရင်းမြစ်များ

Wakkagagerak 28:20

Nogo toombege nagagerik, at Yakup nen ari logonet, “An tu paga yime nage neegak, kat Ala nen liirogon ndegenneren nage, narum wonage, eeke logonet, nambi noorak inom, nambogoyum yikkoloorak inom,

Wakkagagerak 8:20

Abu aret wundi nogo nogogwaarik, at Nu nogo nen at Aliku ALA alut eerikit nduk yugum ndoonogo pege nagagerik, yi mendek ndi mendek op nonggo logorak mendek tapi, ndomba, kambin, towe, anebunu lombok abok aret ambitak nggigik agago Aliku ALA ake warogo kani kuneegerak.

2 Endagembogut 5:17

Mbo pege mbareegi, at Naman nen, “Ti kenok, yogondak kuli an kayeloman nen Ala obaane'me alik ambi mippunuk ake warogo kani kungge, ake warogo wogoge, eerigin lek Aliku ALA mban ake eeke logogin me, an kayeloman yi, kuda kwak bagal mbere'mbo nen aaninggin wonok noorak ndak-ndak nggween ambi wo'niru o.

Ayup 37:24

Ndi, aakumi nen, Nit niniki warak aret o, yinuk, yogwe nogo at liippiigeelik me, Aakumi abok at mban ayuk wuko menggaarak o,” yinuk, yoreegerak.

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 116:14

“Kaliku ALA wokkirigin o,” yinuk, Kumbuk mbaneegirak nogo Aakumi at apuri inigen iigak wogoge, Eerigin o.

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Wone Alom Kibingga 5:4

Aap wi negen eekwi nogo ti, Ala inikilom mbakeelik me, “Ndogop wokkirigin o,” yinuk, kumbuk mbanogo Ala yoge logomenggendik kenok, elaambirik logorak ti mage o. Ata, yemenggendak ndak-ndak mbet-mbet aret wogorumunggun o.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Yeremiya 5:22

It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Ndaniyen 6:26

At Ala ti, kanggeelik mondok-mondok eenik wonage, At abu'me piinok menggim lek ageelik mondok wonage, At wone lengganogo yorage menggim kuli pugu lek itok wonage, Eerak aret agaarik o. At nen wondet eerogo piige, inagap ndarogo piige, Mbogut paga inom, nggween paga inom, ineenu agak eeke, Eerubok mendek iya tit eeke, Eeke menggerak o. At Ndaniyen singa inambeme yonggoliyak nduk aago me, agap ndakerak o. Togop me, an wone lengganogo yokkirage yi, kit yi o ndi o an nabu'me pinaganuk minggim wonogwe abok aret nen at Ndaniyen ogoba Ala kinagabiti mbakwi, at mban ayuk wukwi, eeko logomunggup nduk, wone yi liiru mbanogo wumbigi o,” yinuk, liiru mbanogo wumbereegerak.

Yunut 1:10

Yoragagerak nogo konembunuk, inagabiti ambik aganake mbareegi, “Aliku ALA nen kwaa'neege kero, mbaganit wagi o,” yinuk, muk yoragagerak ineenu me, at yogo logonet, “Kat nonggop eekendak o?” yinuk, yoreegwaarak.

Yunut 1:14

inoone nggwok paga Aliku ALA yogo logonet, “Kaliku ALA o. Aap yi, ane'me nineebe lek eerogo pinanugun o. Kaliku ALA wae. Kat eeriyak mbakendak nogo aret eekendak me, aap maluk eeka'lek kagak wakwi niinok, nit ninoba pinaniyak mage o.”

Marakut 4:31

Lek o. Ala abu'me piyoorak nogo ti, kulok anggen kwak aret o. Yi mendek ndi mendek anggen ti nggwok negen, ndi, kulok anggen ti, abu mbuuluk aret kwe,

Nappiigak 5:11

It Ala apuri kuwak eerit nogo nogogwaarak inom, togop agaarak yogwe koneneegwaarak nogo inom, it abok aret, “Ia!” yinuk, inagabiti alik negen eeginabeegerak.

Owak Loongga 13:16

Yoge mbareegi, Aliku ALA ayonggo malayikat nogo nen, “Yilinogo paninuk, nanooniya eerumonggotak kwe, an nagin lek me, Eeriyak, mbakotak nogo ti, warogo Aliku ALA ake aret kani kunu o,” yoreegerak. Yoreegerak nogo ti, aap Manowa nogo nen, “Yi Aliku ALA ayonggo nen aret yo'nege,” yelok kaga'lek logonet, yoreegerak.