Yunut 1:14 - Ala Wone Peenok Peebi Mbanak

¹⁴ inoone nggwok paga Aliku ALA yogo logonet, “Kaliku ALA o. Aap yi, ane'me nineebe lek eerogo pinanugun o. Kaliku ALA wae. Kat eeriyak mbakendak nogo aret eekendak me, aap maluk eeka'lek kagak wakwi niinok, nit ninoba pinaniyak mage o.”

Yunut 1:14 ပူးပေါင်းရင်းမြစ်များ

Wakkagagerak 9:6

An Ala neebe pogom aakumi ogobakkigirogo piyareegirak me, aap ambi nen aap ambi wake kenok, onggo aap alik ambi nen at aret warogo puwak o,” yoreegerak.

Ndawi 107:28

“Nonggop eekkoloobok,” aganake kenok, Inoone nggwok paga Aliku ALA yogo mbareegwa, Aaninggin inoba wonage nogome nen inagap ndarogo wumbiya wage,

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 135:6

At Aliku ALA nen mbogut paga inom, Nggween paga inom, niyo kole laut paga inom, Yi nggwok yenggenak ogu kiiniki lombok paga inom, “Yogop eerikit,” mbake nogo ti aret eeke menggerak o.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yunut 1:13

Yorage mbareegi, eyo paga alelo mbaniyak eereegwaarak kwe, o wiya nen niyo abunuk kilaarak-mogonik eeke kenok, meek agagerak me,

Yunut 1:16

Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.

Yunut 1:5

it aap yiiro wonok nega abok aret inagabiti aganake mbareegi, inalitak lombok inoone nggwok paga inagugi yeenggwaaraawak nduk yogwi, yiiro aaninggin teeluk aruwak nduk, yi mendek ndi mendek yonggolak nogo abok waganogo niyo laut inikime mbo wuppugwi, eereegwaarak. Ti eekwi iigak, at Yunut nogo yiiro akombaga lombok wambi nage nagagerik, time winna'nuk nogo nggaruk togon yereegerak wonage me,

Yunut 3:8

At Ala anini nen lek eerogo pinaniyak mbakerak nogo, iniki yanggo yinuk, ninabuwa nen teppinanege kagak eerukwak, kit aakumi yum maluk nibinik mendek yikkologwe, kinaanggumi purok yikut eerogo piigwi, eeko logomonggotik, kinalitak lombok maluk eerit nugwi, kinanini paga eerit nugwi, eeko monggotak nogo, abok aret nggonenogo mbo punuk, yungguninuk, Ala owagam wogo logomonggotik, kinoone nggwok paga Ala yogo logonip o,” yinuk, wone lengganogo wumbereegwaarak ti aret.

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Nappiigak 28:4

it aakumi time mendek nogo nen waalo eenggi eyak kunik wonage inigen kogo nogogwaarik, ambi yogak yogo logonet, “Aap yi, niyome nen obeelom wundi wagaarak kwe, waalo eyak wakerak yi paga aap inooke menggerak kin kogoorak me, eereegerak onggo wogoriyak eyom agaarak me, kambigin aret o,” yereegwaarak kwe,

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.

Epetut 1:9

“Keritut nen togop eeppiyaawak o,” yinuk, inikilom mbake nagagerik, koonogo pereegerak kote kumaarak wonage nogo aret paganogo yo'niragagerak.

Pelaareegerak 21:8

Eerulik aret me, ninogoba Aliku ALA o. Aap ugun kagak warak yi paga amiya it kat kapuri Iterali inoba logokwak, kapuri Iterali inagap ndarogo wogoren wagagindak yi, inom lambunik logowak nduk, nggami aanggo warak yi, wamen o, yinuk, nggwok paga togop yogwe iinok, aap warak amiya nogo aakumi Iterali inoba logogin lek aret o.