Yowen 3:8 - Ala Wone Peenok Peebi Mbanak

⁸ It inapuri wologwe-komologwe nogo, aakumi Yekura mendek inoba kuniminggirak me, ti'nuk, it Yekura mendek nen inapuri ti, waganogo aakumi Teba mendek o nda time wonogwe nogo inoba kuninabugun o, yinuk, Aliku ALA nen aret yegerak me, yagi o.

Yowen 3:8 ပူးပေါင်းရင်းမြစ်များ

Ayup 1:15

aakumi o Tiyeba mendek nen wogo nagaarik, kayeloman mini kaanggumi inarum wonogwe nogo inoba kwi'na'nuk, wooluwak paga inoorogo piinok, lembu-keledai nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Yetaya 60:14

It aap tebenogo pugwi inapuri nogo abu'me tebe yi unggwogwe, Ndi, it aap meek eerogo pugwi nogo nen inendobanggun yindumbunuk, iyok paga pirik-perek yogwe, Eeko logonet, Aliku ALA agota o, yinuk, yogwi, At Kikak Nakeelik Alik Leenak Iterali inogoba o Tiyon unde o, yinuk, yogwi, Eeko logogun o.

Yeremiya 30:16

Togop aret kwe, it an napuri inambeme yonggorinakwi nogo aakumi alik nen it inambeme yonggorinakwi, It an napuri wogoren mbo piya nogwe nogo, aakumi alik nen it wogoren mbo piya nogwe, It inamendek kugun waganggwi nogo, it inamendek kugun waganggwi, Ndi, it an napuri ineebe kugun wogoren nogwe nogo, aakumi nen it ineebe kugun wogoren nogwe, Eeruwak nduk, An nen eerogo piyaagin kwe,

Yeremiya 6:20

It nen obari abe kaga o Tiyeba nen wonok nake pi wogwe, En weeri amburu aberogon o nda nen wonok niri wogwe, Eekwi ti, Nano ake eeko agaarik? Ti we aanom warogo aret! Warogo nake kani kunggwi ti, ninikilom mbake, Warogo wo'nugwi ti, nale'nggen mbake, Eekeelik mban aret o,” yinuk, yegerak me yokkiragi o.

Yetikiyen 23:42

It inaagan-ambokan endekem taati aakumi inale'nggen nen noone-koone agan nogwe iigak, it aap amburu nenok kumili aganaka o karume mendek aap endekem noone-koone agan nugwi nogo inom unggwogo nogogwaarik, kumi nogo oweeluk awuluk imbirak tenggen inobaak me yirippiigwi, nggare-nggare abu kigirikwe lombok inanobak paga yirippiigwi, eereegwaarak.

Yetikiyen 38:13

Koonogo pemenggerak nogo it o Tebe mendek inom, o Nderan mendek inom, it aap yi mendek ndi mendek kungga o Taritit mendek inom, o Taritit enaagan-ambokan yaga'lelo lombok menggaarak inom, nen inaruk konembunuk, at yogo logonet, Kat nen aakumi inamendek kabelogo waakit nduk wagandak ya? Aakumi inagugun waganggwi, mbuti perak inom, emas inom, inaanggumi inom, inamindik-inamendek inom, kugun iya negen wonok nawak nduk, kawuri kuwak eeppiinok wogoren wagandak ya? yinuk, yorugun o.

Pelaareegerak 32:30

Nonggop togon aap eebe ambit nen aakumi ambik ineebe seribu paga muguren nage, Ndi, aap ineebe mbere nen kwe, aakumi ambik ineebe sepuluh ribu paga muguren nogwe, Eeriyak, mbakop? Togop eeriyak meek aret kwe, Ninogoba Yugum Nu'lek Menggi Kwak Menggerak nogo nen ninonggo nggerengge, Aliku ALA nen ambo'me mbo pinangge, Eereegerak me, Togop aret eeppinanit nogo logogun o.

Owak Loongga 2:14

at Aliku ALA nen anini inoba piige logonet, inamendek kiraari unggwi wogo logowak nduk, eeppiige, inawim enaagan-ambokan wonogwe nogo nen inoori unggwi wogo logowak nduk, eeppiige, eeke kenok, it ko wappunuk logorak meek aret age nagagerak.

Owak Loongga 4:2

at Aliku ALA nen Iterali waganogo aap o Kanan inowe endagembogut Yabin o Katot logonet wone lengganogo yorage menggerak nogo eenggime pereegerak. At yigin unde inowe endage Titera, awi Karotet-Kagoyim wonagagerak.

Owak Loongga 4:9

Yoge mbareegi, at Ndebora nen, “Op aret o. An ninom aret nagin neegak kwe, kat nen ari logonet, Nalik noorak lek, yagandak paga at Aliku ALA nen aap Titera nogo waganogo, kwe ambi eenggime pemenggerak paga nen kat kendage tiyak yigin lek o,” yinuk, Mbarak imbirak o Kereti nogogwaarak.