Yowen 3:2 - Ala Wone Peenok Peebi Mbanak

^2-3 It yi aakumi ndi aakumi nen an napuri nogo aakumi inanebunu lombok inenggela'me mak eerogo piinok, Nanggween napuri wogoragagirak nogo tumbukkologwe, Ninayeloman mini logorak ta age kaamun? yinuk, yugum wakkogwe, Iterali inapuri wologwe nogo terak wuginakak aruwak nduk, eerogo piigwi, Anggur amburu neenok, kumili kunuwak nduk Iterali inapuri komologwe nogo anggur amburu onggo mbanogo wogorogwe, Eeko nogogwaarak me, Yi aakumi ndi aakumi abok aret kuwak eerogo piinok, wogoren o Yotapat Kobappaga piya wangge logominggirik, It an neyate kwak napuri Iterali eeppiigo nogogwaarak paga inawone mbambunuk, eereegwaarak onggo aaninggin inoba kwippiyaagin o.

Yowen 3:2 ပူးပေါင်းရင်းမြစ်များ

2 Mbinineegwaarak 20:26

Nogo kenagan yinuk, ko'lu it abok aret o kobappaga endage, Alut Eeko Menggam, toonuwam taati kuwak eeppunuk, Aliku ALA alut eereegwaarak. Ti eereegwaarak kenok, o kobappaga ti endage, Alut Eeko Menggam o, yinuk, yogo nogogwaarak me, o yogondak yogwe wonogwe aret.

Yetaya 66:16

Aliku ALA nen yi aap ndi aap maluk eeko nogogwaarak onggo eeppiige logonet, kani nen nenet nage logowak nduk nappege, Awooluwak paga inoorit nage, Eerigin me, Aliku ALA nen it aap ineebe apit aret inoorigin o.

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 25:31

Yi aakumi ndi aakumi, Kit ndogop eekotak o, yinuk, Aliku ALA nen yoraagin me, Wim nggaganggo logonet, noone-koone yogwe nogo, o irip-irip time konenit nagun o. It aakumi abok aret inowak loonogo inawone mbangge logonet, it aap maluk eeka nogo wooluwak nen nawak nduk, eeppiyaagin o,” yinuk, Aliku ALA nen aret yegerak o.

Yeremiya 49:1

It aakumi Amon mendek eeppiyoorak wone yi aret. At Aliku ALA nen ari logonet, “It Iterali inapuri ambi wonogwe lek a? Inogobamini ineyate koloorak ineebe ambi wonogwe lek a? Wonogwe iigak kwe, nonggop nduk, kugi Milikom nen it Nggat mendek inanggween unde eeppunuk wonage, Ndi, it Nggat mendek iname kota-kota at apuri nonggop nduk, ye mbambatinuk wonogwe, Eeko agaarik o?” Yinuk, yegerak.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yetikiyen 25:8

At Aliku Itok Menggerak ALA nen yegerak nogo yi aret. “O Mowap inom, Teyit inom, nen yogo logonet, It Yekura mendek ti, yi aakumi ndi aakumi ndak-ndak aret agaarak o, yinuk, yagaarak me,

Yetikiyen 34:6

Puut teberogon paga inom, puut nggorek paga inom, an nandomba kobak eerak logonet, nugu agaarik o. O nggween paga abok aret nandomba mak eerak nugwi iigak, aap ambi nen maloppiinet nege, kwaarinabit nege, eeka'lek aret wonage agaarik o.

Yetikiyen 35:10

Naliku ALA an o time wonage neegak kwe, at Teyit nen ari logonet, It aakumi inanebunu mbere ti inom, it inanggween inom, nit unde eeppatinuk logonet, nit mendek aret aruwak o, yereegerak me,

Yetikiyen 36:1

“Aakumi nen ndarak yi wae. Ndogop eeppinagarak o, yinuk, it Iterali wonogo menggam puut-puut yorage logot o. Yorage logonet, Iterali wonogo menggam puut-puut yi wae. Aliku ALA nen yegerak yi, kinaruk konenggo logonip o.

Yetikiyen 36:5

At Aliku Itok Menggerak ALA nen ari logonet, It an nanggween nogo ndinggologo nogogwaarik, unde eeppatinuk, inale'nggen mbakwi, inanini mbako logonet, meek eerogo pugwi, eeko logonet, yi mendek ndi mendek tigippit unggwogo nogogwaarak me, nanini kani kunik negen eeke logonet, Ndogop eekkinabigin o, yinuk, it Erom mendek inom, yi aakumi ndi aakumi ando abok aret inom, yoragagirak o.

Yetikiyen 38:22

Ndi, at inom, awuri ineegin warak inom, aakumi inanebunu ambik lombok at inom ogogwaarak nogo inom, it maluk eekwi onggo kugilingga inoba kwippiige, ineebe inoorogo piige, mayu lubu-lubu inoba wuppi wage, mayu kumulinggen inom, mayu negen kani kunik kwindagala aago inom, inoba kwippiige, eerigin o.

Yetikiyen 39:11

“Ne ti eyom paga it Iterali wonogo menggam oonegen lagi wage menggim pa'nggwe tu niyo nggwok laut paga nogo menggam kobappaga time, at Nggok eebe taambuurak nggween mbanogo wogorigin o. At Nggok inom, at awuri ineebe ambik aago inom, ineebe time taambiigwi iinok, tu ti, non mbanogo pigin me, aakumi tu ti paga nogo logogun lek o. Togop me, o ti endage, Aap Nggok Awuri Ambik Aago Taambiyareegwam Kobappaga o, yinuk, yogo logogun o.

Yowen 3:12

O Yotabat Kobappaga time an kwi'na'nuk, Aakumi inanebunu lombok o ilin-ilin nen kuwak ari woramenggaarak nogo inawone mbanogo inowak loonigin me, Aakumi inanebunu lombok mi'nogwe, Mi'na'nuk o Yotabat Kobappaga time ari wogwe, Eeruwak o.

Yowen 3:14

Aliku ALA nen aakumi inowak looniyak ne abu aret koorok panggoni wagaarak me, Inowak loonggo logowam kobappaga nogome aakumi ambik, ineebe apit aago kuwak eeri woraagun o.

Amot 1:11

Aliku ALA nen ari logonet, “It aakumi o Erom menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Erom mendek ti nen inawuri inabuwa mbaka'lek wooluwak nutik muguren nogwe, Inanini mi'nagak mban eekwi, Kani kunik wunuk mban ari menggi kwak inawuri inanini mban eeppiinet nogwe, Eeko nogogwaarak me,

Mika 4:12

At Aliku ALA eeriyak mbake menggerak nogo ineenggo'lek wonogwe, Gandum wonok agabolo mbelanggo menggam pi wogo mengga kwak at nen kuwak eerogo piyoorak kooneegerak me, aret eeke yogwe nogo, it kobak wonogwe, Eeko agaarik o.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

Wayu 11:18

Yi aakumi ndi aakumi abok inanini kombako logonet, At ninowe endagembogut logorak nineebi o, yinuk, agan nogwe nogo, Kanini inoba piige, it kambit nogogwaarak nogo inawone amburu mbanogo inowak loonogo piige, It kayeloman mini yorage keegak yoraga inom, kapuri kake leenak nogo inom, it kayuk wuko menggaarak inom, inendage lek inendage warak abok aret obeelom eekwi iinok onggo wogorage, Ndi, it o nggween paga time maluk eerogo pugwi nogo pup eerogo piige, Eeriyak eyom abu panggo yi wagaarak me, wa,” yinuk, yogwi iigirak.

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 16:16

Ndi, it kugi ogolem pogom nogo nen aap nggween paga inendagembogut abok aret o endage Iberani inoone paga Aramageron nogome aret kuwak eeppiya wogwe iigirak.

Wayu 16:6

It kapuri kake leenak inom, kat yorage keegak yoraga inom, inamiya wunogo inooreegwaarak nogo, Onggo aakumi inamiya yi, niyo negen nonggo logowak nduk, eeppiigendak me, op aret eeken o,” yinuk, yoge kagarak.