Yowen 3:19 - Ala Wone Peenok Peebi Mbanak

¹⁹ Togop eerigin kwe, it Metit mendek inom, Erom mendek inom, nen inogogumbuk logonet, It Yekura mendek maluk eeppiinet nogwe, It Yekura mendek maluk eeka'lek iigak, inanggween paga inamiya kilirogo piinet nogwe, Eeko nogogwaarak paga O Metit time yi oone ndi oone lek age, Ndi, o Erom time eerilek karume aret age, Eerigin o.

Yowen 3:19 ပူးပေါင်းရင်းမြစ်များ

Ndawi 137:7

Kaliku ALA wae. O Yerutalem lek eerogo pit wanggwi iigak, It aakumi Erom mendek nen yogo logonet, “O langgu-langgu eerogo pugwi, Langgunogo pit ogowa pugu paga pi wanggwi, Eeko logonip o,” yinuk, Yogogwaarak nogo aberu o.

Yetaya 11:14

Ata, it abok aret lambu yinuk, It aap oonegen kilu yi nage menggim pa'nggwe it Pilitin mendek puut elan-elan wonogwe nogo, ne ambit wigak togon inoba kwi'nari nogwe, Aakumi oonegen lagi wage menggim pa'nggwe wonogwe nogo Inagugun ko'nok ndi yogwe, O Erom inom, Mowap inom, tebenggologwe, It aakumi Amon mendek inabu'me tebenogo piya nogwe, Eeko logogun o.

Yetaya 11:15

At Aliku ALA nen o Metit paga niyo laut ogobak pi nagagim woloonogo pege, Niyo Eparat paga eenggi nappege kenok, o wiya kani kunik negen warit wage logonet, niyo nogo poronogo pege, Eeke kenok, Elaganggen 7 mogonogo pemenggerak paga alobok lek aremenggerak me, aap iniyogut yirik aret wunda wogo logogun o.

Yeremiya 49:17

“O Erom ti, yigirik-noonom eerogo pemenggaarak paga It aakumi tu ti paga nogo logonet, aaninggin-paaninggin oba aremenggerak wonage kenok, Inambe piyak ari, inamineeri ne agan nage, eeko logogun o.

Yeremiya 51:35

Ninapuri ninom maluk eerogo pinanugwi ti, it Mbaben mendek inoba aruwak o, yinuk, it Tiyon mendek nen yogwe, Ninoorogo pinanugwi ninamiya it o Mbaben wonogwe nogo inoba aret aruwak o, yinuk, it Yerutalem nen yogwe, Eeko agaarik o,” yinuk, yegerak o.

Leendawi 4:21

O Erom Aagalukwe o Uyut paga wonage menggendak kat yi wae. I'ndok kangge, kale'nggen mbake, eeriyak mbake kenok ari logot o. Kat kunduk amburu toolak wokkeremenggerak nengge keenok, kumili kumbunuk wonage keegak, Kayum nggoorogo kagabolo kin eerogo pagagun o.

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.

Abakuk 2:17

Aakumi inamiya wunabit wage, It aakumi inanggween inom, inawi kota-kota inom, pup eerogo pege, Ndi, it inawi kota-kota wonogwe nogo, ineebe inoorogo piinet nage, Eereegerak me, At ogogumbuk lombok logonet, it puut Libanon menggaarak eyo muurogo pit nogo mengga kwak, eeppiinet nage nagagerak nogo ti, Yungguk togon at oba kwi'nari wage, Ndi, ndiimbu-nggwiya eyonggaame time lek eerogo piinet nage nagagerak nogo nen Melak togon at agabiti mbaruwak nduk, eeppugwi, Eerugun o, yinuk, at yogo logogun,” yegerak o.

Takariya 10:10

O Metit nen iniyokan wogoren wage, O Atiyut nen kuwak eerogo piya wage, Eeke logominggirik, O Nggileyat inom, o Libanon inom, time piinet nagin me, It o time logorak tenak ambi lek yagabit aret arigin o.

2 Tetalonika 1:6

At Ala iniki koonak a'me nggelok eeke menggerak me, it nen aaninggin kit kinoba pinagagwi nogo, onggo at nen it aaninggin inoba piyaagin o.