Yowen 3:13 - Ala Wone Peenok Peebi Mbanak

¹³ Anggur anggen aambiranggo menggam abu yagabit age, Amburu tooko menggam eno korok yinuk, kilu-kilu wangge, Eeke ti kwak, It aakumi maluk mondok iya lombok eerit nogwe me, Anggen abu kole agaarak nogo mbaniyak nduk paloowi yomonogo nappugwi, Anggur anggen aambirani wogwe, Eeruwak nduk, yoret, yegerak o.

Yowen 3:13 ပူးပေါင်းရင်းမြစ်များ

Wakkagagerak 13:13

It aakumi o Torom nogome inobaabut mondok maluk lombok logonet, Aliku ALA enegen kagak, inagabiti mbaka'lek maluk eeko menggam kagak aret nagagerak.

Wakkagagerak 15:16

Ndi, it aakumi Amori mendek yi, it maluk eekwi kwe, inomaluk ambinom nggwok ari naga'lek kagak, kat kombowologwe wigannarit 4 paga ari nogwe ndak-ndak o yime ari wogo logogun o,” yoreegerak.

Wakkagagerak 18:20

Mbake nagagerik, Abarakam yoge logonet, “It Torom mendek inom, Nggomora mendek inom, yi maluk ndi maluk ambik lombok eerit nogwe iinok, yi aakumi ndi aakumi nen, Iya, yinuk, inagabiti mbarit nogwe o, yogwe iigirak me,

Yetaya 17:5

Aap ambi gandum owak eenggi lambumbunuk anggen mbanogo wagangge menggi kwak, O Erepayim Ndirok anggen mbanak eenggi paga menengge menggi kwak, Ne ti eyom paga an nen it Iterali togop aret eerogo piyaagin kwe,

Yetaya 63:3

Yoge mbaki, “Anggur anggen aambiranggo menggam aakumi ninom lek nalik aret aambirangge, Anggur anggen aambiranggo mengga kwak nanini nen aambiranogo piige, Nanini nen niniki mi'nage logonet, yi aakumi ndi aakumi tebenogo piige, Eeke neegak, Inamiya nayum paga labunnage, Nayum paga abok aret inamiya mban lengge-lengge nage, Eekerak o.

Yeremiya 51:33

Togop aret me, at Omaawi Lombok Menggerak Iterali inogoba Aliku Ala nen yegerak nogo yi aret. “O Mbaben Aagalukwe kwak it Mbaben mendek ti, Aap gandum agabolo mbelanggo logonet, iniyok aambiranogo pogo menggam kwak Eerogo piyoorak eyom muk panggonak aret agaarik o.

Leendawi 1:15

Nogoba nen it aap an nawuri wim eeka ninom minggirak abok aret mbo piige, An tebenogo panugo logonet, naagalogwe aap tawe lek eerogo piyaawak nduk, nawim yonggo piige, Aakumi nen anggur amburu aambiranggo mengga kwak, nogoba Ala nen o Yekura Aagalukwe Aap Kigin Waka'lek an nogo iyok aan lebenogo panege, Eereegerak o.

Oteya 6:11

It Yekura mendek kunduk, maluk eekwi onggo inoba kwippiyoorak ne muk punik wonage agaarik,” yegerak me, yokkiragi o.

Matiyut 13:39

At aap imbirak ogoorak logonet, awi maluk mendek yumbuneegerak nogo ti, Ibilit aret. Anggen mbaniyak eyom nogo ti, o age yobok aret. Ndi, it anggen mbanggo menggaarak nogo ti, it malayikat nogo aret me,

Marakut 4:29

Ndi, anggen yugu nogo, kole agaatak mbaniyak eyom age kenok perak, aap nen paloowi paga mbanit nage menggerak nogo aret o,” yoragagerak.

Pelaareegerak 16:9

Yorage nagagerik, ambi yorage logonet, “Anggen iyaalok mbaniyak nduk, waruk gandum owak paga pugwi eyom nen lingginit tamban 7 eeppunuk,

Wayu 14:14

Wone ari nogo naruk konengge nagarik, wonage me, aakumi inetenggen pogom ambi nggare-nggare mendaarak mbuti emas mendek anobak paga yirik, ndi, paloowi ena yomonak ngget ambik eenggime porogo logonet, ndugwi abinak lan ari nogo paga kwi'ndak wonage nenegen kagarak.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.