Yowen 3:11 - Ala Wone Peenok Peebi Mbanak

¹¹ Yi aakumi ndi aakumi o ilin-ilin wonogwe abok aret mbet-mbet wogo logomenggaarik, o kobappaga time kuwak eeri wogwe, Eeko logowak nduk, Yoranet nogo logonip o. Kaliku ALA wae. Kawuri wim eeka wogoren mbet wura mok o.

Yowen 3:11 ပူးပေါင်းရင်းမြစ်များ

Ndawi 103:20

Kit wakaa'ngget Ala wone ari kinaruk konok eeka malayikat yi wae. At Aliku ALA tiyappugwi,

Yetaya 10:34

Eyonggaame yembuti paga eyo muurogo nappit nogo mengga kwak togop aret eerogo piinet nage logonet, Yi eyo ndi eyo o Libanon mendek at Omaawi Lombok Menggerak nen muurogo nappiyaagin o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yowen 3:2

It yi aakumi ndi aakumi nen an napuri nogo aakumi inanebunu lombok inenggela'me mak eerogo piinok, Nanggween napuri wogoragagirak nogo tumbukkologwe, Ninayeloman mini logorak ta age kaamun? yinuk, yugum wakkogwe, Iterali inapuri wologwe nogo terak wuginakak aruwak nduk, eerogo piigwi, Anggur amburu neenok, kumili kunuwak nduk Iterali inapuri komologwe nogo anggur amburu onggo mbanogo wogorogwe, Eeko nogogwaarak me, Yi aakumi ndi aakumi abok aret kuwak eerogo piinok, wogoren o Yotapat Kobappaga piya wangge logominggirik, It an neyate kwak napuri Iterali eeppiigo nogogwaarak paga inawone mbambunuk, eereegwaarak onggo aaninggin inoba kwippiyaagin o.

Mika 4:12

At Aliku ALA eeriyak mbake menggerak nogo ineenggo'lek wonogwe, Gandum wonok agabolo mbelanggo menggam pi wogo mengga kwak at nen kuwak eerogo piyoorak kooneegerak me, aret eeke yogwe nogo, it kobak wonogwe, Eeko agaarik o.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

2 Tetalonika 1:7

Ndi, yogondak aaninggin kit kinoba wonage nogo, peebi nit ninom niniki tayenogo pinanigin o. It waka'ngget mondok tiyanak menggaarak malayikat nogo ninowe Yetut inom mbogut paga nen kani omoonuk enggela'me wambi wogo logonet,

Wayu 19:14

it yigin unde mbogut paga wonogwe nogo abok aret inayum abe yawenak kikak naka'lek abu laambu yanggwi negen yirik logonet, inalitik-inalitak kuda ineeruwak yanggwi negen inamborowak paga kwi'na'nuk, inom nogwe iigirak.