Yowen 2:8 - Ala Wone Peenok Peebi Mbanak

⁸ It tu pelen-pelen naga'lek tu inalitak koonak mban wogwe, Inaru non mbanak kagak poloninuk wogwe, Oolo mbannaga'lek mondok kunik-kunik aret wogwe, Eeko agaarik o.

Yowen 2:8 ပူးပေါင်းရင်းမြစ်များ

2 Mbinineegwaarak 23:10

Wogoranet nage mbareegi, it aap endagembogut arum logorak ineebe abok aret ineegin ineenggime woppunuk, aap endagembogut Yowat nogo wakwi iyo, Ala ake warogo kani kunggo menggam inom, Ala awi wurik irip-irip inom, abok aret mippiinet nagagerak.

2 Mbinineegwaarak 32:5

At Kitikiya nogo nen yugum pak wurik langgu-langgu eerak nogo, obaane'me wurogo pege, tum wako logorak o nggorek wurogo pit nage, yugum yagat alik o endekem paga wurogo pege, eerogo punuk, Ndawut agota eraanu endekem nggwe nggween pit laganeegerak nogo, omaawi eerogo pit nage, yigin-maale inom, nggeemu inom, ambik aret ogobakkigirogo pege, eereegerak.

Nekemiya 4:17

Ndi, it aap yi mendek ndi mendek kaganogo ira wogwe nogo nen ineenggi peenok yigin porogo logonet, ineenggi peenok yi mendek ndi mendek kaganogo ira wogwe,

Nekemiya 4:23

Ndi, an togon, noreewi togon, nawuri yabu eeka togon, ninarum menggaarak togon, ninayum yirik nggoorogo pega'lek nineegin nineenggime mban wonogogurak.

Ayup 36:12

Inaruk konengga'lek wonogwe iinok perak, Inookwi iinok, yi enebaga abu-abu ari nogwe, Yi wone ndi wone ineenggo'lek logonet kanggwi, Eerugun o.

Kini Wuppiige 30:27

Ambi ti, wurin aret. Inowe inendagembogut lek kwe, ineebe ndegen-ndegen aago nogwe,

Ndawi Iya 4:13

Kat keyabu yarak ti, anggen mbilanit nage nagaatik, eyo delima mban yabu yarak me wundit nage, Anggen ombat abe mban yit nage, Tuunggen inom, obari abe eeka narwastu inom,

Yetaya 5:27

Wogo logonet, inowak lek age, iniyogobit lik yagak wogwe, Nogo yigin eeginake, nogo yit wogwe, eeka'lek kunik-kunik aret wogwe, Inagabee'le nggonok yaga'lek nggerok togon eerak wogwe, Iniyogogut keele piyok yaga'lek wogwe,

Yowen 2:7

It aap wim eeka nen mbe agan nogo mengga kwak, mbe agan wogwe, It aap ineegin warak kwak pak wurik paga mbo lagit wogwe, Agi-ogu aga'lek tu ambit ti paga mban lo agan wogwe, Eerugun o.

Yowen 2:9

Aberak lek me, o kota oba kwi'nogwe, Yugum pak wurik paga lagit nanuk ambime wanggak eerit inawi wurik me unggwit nogwe, Aap kote kiraaka kwak tu pugagi mbanak me nen unggwit nogwe, Eeko agaarik o.