Yowen 2:19 - Ala Wone Peenok Peebi Mbanak

¹⁹ Mbake logomenggerik, at Aliku ALA nen wone onggo yorage logonet, Yogondak an nen gandum inom, anggur amburu ngget toolak inom, eyo tayitun amburu inom, Wokkiraminggirak nunggwi paga ndonggoppinagage kaamunggup o. Kit nen yi aakumi ndi aakumi inenggela'me nugwi kiinok, It aap maluk mendek nugwi yi o, yinuk, ambinom yokkirogo logowak nduk eerogo pinagagin lek o.

Yowen 2:19 ပူးပေါင်းရင်းမြစ်များ

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yetikiyen 34:29

It inanggween mili lubunogo piminggirak me, inale'nggen paga inambi yarogo nonggo logogun o. It inanggween paga time logonet, mbi abu nen kanggwi, yi aakumi ndi aakumi nen it inendage maluk eerogo piigwi, eeko logogun mondok lek o.

Yetikiyen 36:15

Yi aakumi ndi aakumi nen, Kayik a! yinuk, yogwi nogo, puut-puut ambinom konenuwak nduk, an nen eeppiyaagin lek o. Aakumi inanebunu lombok nen puut-puut ti, meek eeppugwi nogo, ambinom meek eerogo pugwi, ndi, puut-puut ti nen at paga ndarak inanebunu nogo ambinom lek eerogo piige, eerigin lek o, yinuk, Naliku Nitok Minggirak an ALA nen aret yagi o,” yinuk, yegerak me, yokkiragi o, yoragagirak.

Yetikiyen 36:29

Maluk eerit nogo logonet, inoba maluk lenggenogo pateegwaarak nogo, lek aruwak nduk, inabin koorogo piige, ndi, mbi noogelo inoba kwippiyaagin lek gandum awi yaremenggaarak nogo mbilambunuk, anggen ambik yi'nage logowak nduk, eerogo pege, eerigin o.

Yetikiyen 36:30

Mbi noogelo nen mbaganit namenggaarak yi aakumi ndi aakumi inenggela'me wonogwe iinok, inenggali wappiigo nogogwaarak nogo, ambinom wappiigo logokwak, an nen yi eyo ndi eyo yarak inom, yi mendek ndi mendek ineyabume yarak inom, anggen ambik yi'naruwak nduk, eerogo pigin o.

Yetikiyen 39:29

An Naberiniki it Iterali mendek inoba piyaagin me, eeppiige neenok, it neegwi iyo, netenggen kumaappatinuk logogin lek aret o,” yinuk, at Aliku Itok Menggerak ALA nen aret yegerak me, yagi o, yinuk, yoragagirak.

Oteya 2:15

Time nen eyabu anggur yarak waganeegirak nogo obaane'me wogoge, O Aaninggin Eeppiiga Kobappaga nogo ti, obeelom eerogo piiga iniki lunik logowak nduk eerogo pege, Eerigin o. Ti eeke neenok, time nen at tawe logonet, Eo, yinuk, iniki kunik ee'nake, At o Metit nen wundi wage logonet iniki kunik nen noone liirogon konengge, Eeke nagagi kwak Togop aret eeke logogin o,” yinuk, yereegerak o.

Oteya 2:21

Aliku ALA nen ari logonet, “Ne ti eyom paga at oone yo'nege kenok, naruk konengge, Naruk konembunuk, o mayu wuppi woroorak mbogut yoge, Yoge neenok, mbogut nen mayu wuppi wage,

Oteya 2:22

Mayu wuppi wage neenok, nggween miin eerogo pege, Nggween miin eerak paga gandum yarak anggen kole eerogo pege, Anggur yarak amburu ngget tooluwak nduk eerogo pege, Tayitun amburu tooluwak nduk, eyo amburu eerogo pege, Eerigin me, Yi mendek ndi mendek yarak abok aret, Ala nen aret yakerak me, Yiteren yi aret o, yinuk, inale'nggen kogo logogun o.

Yowen 1:10

Yabu yarak nogo maluk age, Nggween nogo abu mbuk aret age, Gandum yarak nogo lek age, Anggur anggen awo yugu nogo mbuk age, Eyo tayitun anggen yugu lek me, amburu tooka'lek wonage, Eekerak wonage agaarik o.

Ala Unde 26:5

yaremenggaarak eebe nenet nogwe iigak, anggur anggen kole age, ndi, anggen kole aremenggerak me mbanogo nenet nugwi iigak, peebi yi mendek ndi mendek alik yariyak eyom aret ari nage, eeke logogin me, inambi ndonggok togon nunggwi, iname logonet iniki ugun tayenak aret wonogwe, eeko logowak o.

Takariya 8:12

“Anggen yaremenggaarak nogo abe lagangge, eyo anggur nogo anggen abe yege, inanggween amburu eerogo pemenggerak paga anggen abe mbanggologwe, mbogut paga nen mayu wuppi wage, eeruwak nduk, eeppiyaagin o. Yi mendek ndi mendek abok aret ti, an napuri eegu yumbunik yi, ineyate kwak unde logowak nduk, eeppiyaagin o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Pelaareegerak 11:14

Liippunuk eekwi kiinok, awi yakwi eyom paga awi yarak mbilanuwak nduk mayu wokkirage, eebe mbaniyak eyom paga anggen piiruwak nduk mayu wokkirage, eeke kagak, gandum anggen mbanggwi, anggur anggen aambiranogo amburu tookwi, eyo tayitun amburu toologo pugwi, eerogo pako logomunggup o.

Urut 1:6

Ti'nuk, at Aliku ALA nen apuri Iterali liippiige logonet, inambi wogoragagerak kwe Nawomi nogo aruk konengge nagagerik, kumi eenggelomini nogo inom aap Mowap iname nen iniyokan woroorak nduk, pipuk eereegwaarak.