Yowen 2:13 - Ala Wone Peenok Peebi Mbanak

^13-14 Togop me, kinambogoyum nibinogo patiyak ti mage o. Ata, kiniki wakkologo logonip o. At Ala ti, oone yanggorogon yo'nirage, ninabuwa mbake, Iniki aan aganggenggwi lek liippunuk eeppinanege, Iniki kunik lombok ee'ninabit unggwage, Eekwi onggo aaninggin ninoba pinanege logonet, Yi eeppigi ao, yinuk, mbake, Eeke menggerak me, At ena koonogo pekkiige logomenggerik, kinabuwa nen ale'nggen nggwok lombok kinoba pinagage logonet, Gandum anggen yigirik ake puurak inom, anggur amburu ake kiliriyak inom, Kinogoba Aliku Ala nen wokkirage kagak eerukwak, Kinomaluk mbo punuk, kiniyokan yungguninuk kinogoba Aliku Ala owagam wa'nip o.

Yowen 2:13 ပူးပေါင်းရင်းမြစ်များ

Wakkagagerak 37:29

Wonok nogogwaarak nogo, at Uruben eenggo'lek me, Yutup mbuun me wonage nduk wondekka nage nagagerik, eebe lek mbareegi, ambogoyum nibinik-ndelenak agago punuk,

Wakkagagerak 37:34

Ari nagagerik, ambogoyum nogo abu nibinik-ndelenak eerogo pake nagagerik, mbogoyum maluk nibinik mendek yippunuk, erabun ndoombunuk, ale ari nagagerak.

2 Tamuwen 1:11

Wone ti yoge nogo, at Ndawut aruk konengge nagagerik, ayum yirik nogo nibinggolage mbareegi, it at awuri nogo, togop mban aret inayum nibinggologogwaarak.

1 Endagembogut 21:27

Eliya nen yoreegerak nogo aap Akap abu aret konengge nagagerik, ayum nibinogo patinuk, yum nibinik maluk mendek yikkolage nagagerik, mbi nengga'lek ambe mage negen logonet, yum nibinik maluk mendek nogo yirik winnage, mi'na'nuk nege logonet, iniki puru aago mbawok nege, eeke nagagerak.

2 Endagembogut 22:11

Aap endagembogut ake liiru mbangga Tapan nen wone eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

2 Endagembogut 5:7

Wogori wage mbareegi, aap Iterali inowe endagembogut liiru mbanak nogo malengge nagagerik, ayum nibinogo patinuk, ari logonet, “An Ala aret me, aakumi inooke, ineenik aganake, eeke minggirak me nduk, aap awin aaga'ne agabolo paga kunik yi, Obeelom eeppuwak, nomba'nuk, yo'nigi mbakop? An nano paga yilunogo, At maluk eeppikit, nombake nagaarik, liiru mbanogo nappani wagaarak yi kogop a?” yereegerak.

2 Endagembogut 6:30

Ti yoge nogo at aap endagembogut aruk konengge nagagerik, ayum nibinogo pateegerak. Ayum nibinogo patinuk, yum maluk nibinik mendek akem yippunuk yugum pak wurik paga nege nogo, it aakumi inigen kogogwaarak.

2 Mbinineegwaarak 6:27

kat mbogut paga logonet, inoone karuk konembunuk, kayeloman mini aakumi Iterali inomaluk nogo lek eerogo piige, it abe mban eerit nogo logowak nduk yorage, eeke logomenggendik, kapuri Iterali yate kwak inanggween wogoragaginom nogome mayu wuppi woraamunggun o.

Nekemiya 9:17

Koneniyak nineebi o, yinuk, it inenggela'me iya tit eeke nagagindak nogo mari eerogo mbo pugwi, ndi, inanobak yugum pogom a'nuk, Ala nen yo'nirage logorak nineebi o, yinuk, O Metit niniyokan nanuk, aakumi inayeloman ari noorak wo'niren nawak nduk, aap ambi mippuwok o, yinuk, yogwe, eereegwaarak kwe, kat Ala nen, Inomaluk nogo mbo nappikit lak, ao, mbake, kiniki yanggorogon teppiige, inabuwa mbake, kaan aganggenggwi lek yungguppunuk eeppiige, kat kiniki kunik aganake nogo, nggaruk yaga'lek kunik aret wonage, eeke menggendak me, it mbo piyoolik o.

Ayup 1:20

Eeko mbareegwa, aap Ayup nogo mi'nage nagagerik, ayum nibinogo pake, eeruwak anobak me puluk ko eerogo mbanggolage, eeke nagagerik, nggween paga enete wanduk ngginna'nuk Aliku ALA alut eereegerak.

Ndawi 103:8

At Aliku ALA nen aakumi inabuwa mbake, Inabuwa nen iniki yanggonak paga eeppiige, Anini mbet-mbet wunggeelik yanggoppunuk wonage, Aakumi iniki kunik nggwok togon aganake, Eeke menggerak o.

Ndawi 106:45

Eeppiyoorak wone abuk nggaruk togon Koonogo punuk yoragagerak nogo abeke, Inabuwa nggwok lombok mbake logonet, Iniki kunik aganake nagagerak paga Anini nen eeppiyoorak nogo tayoppege, Eeke nagagerik,

Ndawi 34:18

Aakumi iniki wakkologwe wonogwe iinok, Aliku ALA inom koorok aret wonage, Iniki aan mbele aago wonogwe iinok, at pilanogo piige, Eeke menggerak o.

Ndawi 51:17

Kake warogo wokkugwi kwak nogo ti, Aap ambi nen, “An maluk aret eeki o,” yinuk, Iniki wakkolage ti aret o. Aap ambi iniki wakkolage logonet tebeppake nogo ti, Kat Ala nen, “Aap yi, we aret eeke o,” yinuk, Yumunggun lek o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetaya 58:5

Ne ambi paga iniki tebeppatinuk inambe mage negen logonet eeko logorak koonogo pereegirak nogo ti aret me, yinuk, eeko agaarik ya? Mbereewak yuwo-yuwo aago menggi kwak ina wandu aago wonogwe, Yum nibinik maluk mendek mbiganogo wun yumbunogo punuk, at paga lagak-mbagak yogwe, Eeko menggaarak nogo ti, Inambe mage negen logonet, eeko logorak nogo ti aret me eeko agaarik? Ninambe mage negen logonet eeko logorak, yogwe ti aret a? Aliku ALA inikilom mbaruwak nduk, Ne ambi ninambe mage negen logorak, yogwe nogo ti aret a?

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Yeremiya 36:7

Aliku ALA anini mbake, iniki aagi kani kunik negen mi'nage, eeke nogo, it aakumi yi, inoba kwippiyoorak yoragagerak ti mondok iya lombok mbanak me, lunemenggendak inaruk konembunuk, inalitik-inalitak Aliku ALA yogo logonet, Nit maluk eeko o, yinuk, inomaluk mbo pugwi iigak eerukwak, it abok inenggaanom lunumunggun o,” yinuk, yoreegerak.

Yeremiya 41:5

it aap o Tikem nen, Tilo nen, Tamariya nen, ineebe lambunik 80 aret me, inamboro wiirogo pakwi, inayum nibinogo pakwi, ineebe paga nggawi penek eerogo pakwi, eeko nogogwaarik, anggen yigirik inom, obari abe kaga inom, Aliku ALA awi wurik me ake wogoriyak nduk wonok wogwe me,

Yeremiya 42:10

Aaninggin inoba piige nagagirak nogo paga niniki wakkolage me, it o yime mondok logorak kenok, an nen it o minggwi kwak eerogo piyaagin lek, o wukwi kwak eerogo piige, ndi, alom kinogo wumbugwi kwak kinogo wumbiyaagin lek yi awi ndi awi yakwi kwak eerogo piige, eerigin o, yinuk, yegerak.

Yetikiyen 9:4

at yoge logonet, “O kota Yerutalem time nege logonet, it yi aakumi ndi aakumi nen, O kota yime maluk ogole warak mendek eerit nogwe yi, ao, yinuk, iniki wakkologwe, le yogwe, eekwi iinok, ineenu agak inenggaawak paga liiru mbanogo piyet o,” yinuk, yoge koneneegirak.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Yunut 4:2

Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo'nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee'ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga'lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Nakum 1:3

At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela'me wage, Aap tu paga nage logonet, iyok paga liirubu aa'ngga eerogo pit nage menggi kwak, At o ndugwi paga nage logonet, togop eerogo pit nage,

Oroma 2:4

At Ala nen onggo mbet-mbet maluk eeppinagaga'lek kinabuwa nen iniki yanggoppunuk, puk aret wonage me, “At oone ti meek aret,” mbako ogotik? Kit maluk eekwi kiniki koombunuk, mbo pubagip nduk, kinabuwa nen tokkiige yi, kaga'lek me, yogo ogotik?

Epetut 2:4

at Ala nogo nen aakumi maluk eekwi iinok, anini nen mbet-mbet inookeelik mondok inabuwa lombok mbake logonet, yanggo yinuk, torinake menggerak me, nit abok aret yi maluk ndi maluk eerit nogo nogogurak paga kambak kwak aret wonogwe niigak, Ala ninabuwa mbake nagagerik, Keritut eenik eeppege logonet, nit kunduk ninom aret nineenik eeppinaneegerak. Ala ninabuwa nen iniki kunik ee'nabeegerak ti paga ninagap ndareegerak kogo o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.