Yowen 1:5 - Ala Wone Peenok Peebi Mbanak

⁵ Kit niyo kumili aganaka mendek nengga yi wae. Kineenik a'nuk le yikkologwe, Kit anggur amburu nengga yi wae. Leenggu maakwi, Eeko logonip o. Anggur amburu ngget toolak nunggwi kiigak, kinambeme nen ndinogo nappegaarak me, Kit le yikkologo logonip o.

Yowen 1:5 ပူးပေါင်းရင်းမြစ်များ

Yeremiya 4:8

At Aliku ALA anini kani kunik negen nit ninoba pegerak nogo lek aga'lek awo aret wonage me, kinayum nibinik maluk mendek yippunuk, kinale yikkologwe, Kinaleenggu maakkologwe, Eeko logonip o.

Yetikiyen 30:2

“Aakumi nen ndarak yi wae. Aliku Itok Menggerak ALA nen eeriyak yegerak nogo yi o, yinuk, yoroorak yegerak nogo yi aret. Ne ti paga eeriyak nogo ari wage, Aliku ALA nen eeppiya woroorak eyom abu panggoni wage, Eekerak me, Ne ti abu ari wagaarak me, iya, yinuk, leenggu maako logowak o. Ne ti paga ndugwi yumaak eerogo pi wage, Ti eyom paga yi aakumi ndi aakumi aaninggin inoba kwi'nari wage, Eerigin o.

Yowen 1:11

Kit aap yabu eeka yi wae. Kiniki puru yogwe, Kit aap anggur awi yaka yi wae. Kinaleenggu maakwi, Eeko logonip o. Yarak anggen kole agaarak nogo, abu lek eerogo pegaarak me, gandum inom, waabuk kwak jelai inom, Lek agaarak paga kiniki wakkologo logonip o.

Yowen 1:13

Kit aap Ala unde yi wae. Kinayum maluk nibinik mendek yippunuk, kiniki wakkologwe, Kit aap Ala ake warogo wogogo menggam yabu eekwi yi wae. Leenggu maakwi, Eeko logonip o. Gandum anggen yigirik ake puurak inom, anggur amburu toolak ake kiliriyak inom, Kinogoba Ala awi wurik me ambinom pi wogo logogun lek me, Kit an nogoba Ala enggaanom paga yabu eekwi yi, Kinayum maluk nibinik mendek yippunuk, Ala awi wurik me unggwogo logomonggotik, Le yogwe kiigak nogo ambit yumunggup o.

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Yakobut 5:1

Kit aap kineenggi warak yi, kinaruk logonip o. Kit andi yagan wako logorak eyom panggoni wage me, kinale yikkologwe, kinaleenggu maakkologwe, eeko logonip o.