Yotuwa 9:9 - Ala Wone Peenok Peebi Mbanak

⁹ Yorage mbareegi, it nen at yogo logonet, “Kit kinayeloman nit yi, ninawi mondok nda lombok nen at Aliku kinogoba Ala endage nggwok agaarak kenok wogo o. At nen o Metit paga eerit nage,

Yotuwa 9:9 ပူးပေါင်းရင်းမြစ်များ

1 Endagembogut 8:41

Kat kendage abu tiyanak lombok inom, keenggi omaawi lombok paga yi eekak ndi eekak eeke menggendak nogo inom, ambi eeriyak nduk, keenggi titik eeke inom, yogwe yi aakumi ndi aakumi konenggo logogun me, kat kapuri Iterali mendek lek aap nggiru ambi awi o nda nen kat Ala kabok yogwe ti, aruk konembunuk, wage logomenggerik, kawi wurik me yime ina na'nari woraanuk, tamban eeke kenok,

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 148:13

At mban endage tiyanak lombok wonage, At endage abu tiyanak, “Wi!” ugwi nogo ti, O nggween inom, mbogut inom, abu'me kagak Irimbaga lombok tiyanak wonage, Eeke menggerak me, Kit abok aret Aliku ALA endage tiyappogo logonip o.

Ndawi 72:19

At endage mondok-mondok tiyanak aret wonage me, At wogoppugwi, Eeko logowok o. O nggween paga yime abok aret At endage mban ndak warak logowak o. Abet aret yagi o. Abet aret yagi o.

Ndawi 78:12

O Metit inom, o Towan kobappaga inom, Ninombomini inigen iigak, Ala nen eerubok mendek eeke logonet,

Ndawi 83:18

Kat kendage ti, Kaliku ALA aret ineenu ogwe, Ndi, o nggween paga yime abok aret kat kalik Tiyanak Lombok Menggendak liippagagwi, Eeruwak nduk, eeppiyet o.

Wundeegwaarak 15:14

Yi aakumi ndi aakumi inanebunu lombok abok aret konenggo logomenggaarik, inaganak wake, It Pilitin wonogo menggam wonogwe nogo inagabiti ambik mbakwi, It aap nagawan Erom mendek iniki ma'nage.

Wundeegwaarak 9:16

an nomaawi inom, nendage inom, yi aakumi ndi aakumi o nggween paga yime wonogwe nogo abok aret ineenu arit nogo logowak nduk, at eenik teppege agarik o.

Yetaya 55:5

Aakumi nen, Wi! irogo logowak nduk, an Kikak Nakeelik Nalik Leenak Iterali inogoba Naliku Ala nen tiyappiyareegirak me, An napuri aakumi inanebunu it ineenggo'lek mendek wiirogwe iinok, Yi aakumi ndi aakumi ineebe ineenggo'lek kwe kagak mbe agan iya woraagun o,” yinuk, yegerak me, yokkiragi o.

Yetaya 66:19

Eeppiinet naminggirak ineebe yumbunik inenggela'me ineenu agak ambi eerigin o. It aakumi inanebunu lombok o Taritit, Pun, Lut inom, o Metek, Iroti inom, Tuban, Yawan inom, nggween ku'mbanak o nda irip-irip time an eeke minggirak wone awo inaruk konengga'lek wonogwe, an tiyanak lombok minggirak nogo inigen kaga'lek wonogwe, eekwi nogo inom, it yumbunogo piyaminggirak nogo nappiyaminggirak aakumi inanebunu lombok inenggela'me time an tiyanak lombok logonet, iya tit eeppiige minggirak nogo yoranet nugu logogun o.

Linggineegwaarak 14:15

kat nen it aakumi Iterali mendek yi, abok aret ne ambit liingge lek eerogo inoorumunggun kenok, it aakumi yime nen inaruk konembunuk yogo logonet,

Linggineegwaarak 20:14

Ti'nuk, at Muta nogo o Kareti logonet, aap Erom inowe endagembogut wone yori nawak nduk nappiige mbareegi, nogo nogogwaarik, at yogo logonet, “Kat koreewi Iterali mendek nen wone eerogo nappinani wagaarak nogo yokkiruwi o. Nit aaninggin-paaninggin ninoba arit wage nogo kat ninogoba muk keenu aret o.

Nappiigak 8:7

It kugi ogole warak mendek inikime lik yegetak nogo, kwa kunik yogwe iigak nggiginogo wumbiige, ineenggi-iniyok nggilik-nggelok aago inom, inendop maluk inom, obeelom eeginake, eeke kenok,

Pelaareegerak 20:11

it aakumi kota time nen, Ninom lambuniyak op aret o, yinuk, inawi pak tu paarogo mambinagagwi iinok, kinayeloman logowak nduk, teppiyaamunggup o. Teppiigo logomonggotik, kinoone omaawi paga yorogwe kiigak, kinake yabu eeppinagago logowak o.

Pelaareegerak 20:15

Aakumi inawi kota-kota nda lombok wonage ti, togop aret eerogo piyaamunggup kwe, it logowam time yi aakumi ndi aakumi inawi kota-kota wonogwe nogo perak,

Yotuwa 9:10

ndi, niyo Yoraran oonegen wundi wage menggim pa'nggwe enebaga aap mbere inendagembogut Amori mendek ambi endage Tikon o Ketibon unde wonage, ndi, ambi endage Ok awi Atitarot logonet, o Mbatan unde wonage, eekwi iigak, eeppiyareegerak nogo ninaruk koneneegurak me,

Yotuwa 9:16

Abu aret aap Nggibeyon inom lambunggo nogogwaarik, nogo kenagan yippunuk, “Aap yi, inawi korotok iigak, kinom lambunggotak o,” yinuk, yogwe it Iterali inaruk konenggo nogogwaarik,

Yotuwa 9:17

ti eyom paga aret nogo mbere yegak ko'lu aakumi ti, iname kota-kota Nggibeyon inom, Kepira inom, Mbeerot inom, Kiriyat-Yeyarim inom, aret pegiya nogogwaarak.

Yotuwa 9:24

Yorage mbareegi, it nen wone onggo at Yotuwa yogo logonet, “Nit kayeloman mini yi, aakumi o yime menggaarak abok aret inenggaawak lek eerogo piinok, o nggween yi apit aret, Kit wokkiraagin o, yinuk, at Aliku kinogoba Ala nen eeriyak wone lengganogo ayeloman Muta yoreegerak nogo, liirogon aret ninaruk konenggo nogoorik, kit kineebe paga niniki ma'nage logonet, Nit togop aret ninoorukwak ninagabiti o, yinuk, pilit aret togop eekoorak o, ninogoba.