Yotuwa 8:2 - Ala Wone Peenok Peebi Mbanak

² Kwi'nari unggwogo logomonggotik, o Yeriko inom, aap endagembogut Yeriko mendek inom, abu lek eerogo piigendak nogo ndak-ndak, o Ayi lek eerogo pege logonet, inamendek inom, inaanggumi inom, nogo perak, inagugun kinalitak aret ko'nok ndi yumunggup o. Togop eeriyak me, it aap ineegin warak nogo o Ayi ambokan time ku taani nawak nduk nappiyet o.”

Yotuwa 8:2 ပူးပေါင်းရင်းမြစ်များ

2 Mbinineegwaarak 13:13

At Yerobeyam awuri ando inom it Yekura mendek inaame ogwe, it ando Yekura mendek inambokan wanggeri nawak nduk nappiige, eereegerak me,

2 Mbinineegwaarak 20:22

Mippiyareegerak nogo logonet ndawi wakwi, endage tiyappugwi, eerit awo nogwe iigak, it o Yekura tebenggolaawok nduk, wogogwaarak aap Amon mendek inom, Mowap mendek inom, puut Teyit mendek inom, it mban-mban wat-wat yogo logonet, tebenogo pako logowak nduk, at Aliku ALA nen eeppiige mbareegi,

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Kini Wuppiige 13:22

Aap abe nogo nen eyate ombowologwe inake piinok nage menggerak kwe, Aap maluk eeka amendek nogo perak, aap iniki abe koonak inake teppiinok nage menggerak.

Kini Wuppiige 28:20

Aap ambi li'lak mban eeke kenok, aakumi inale'nggen nen obeelom mban eeppit nugu menggaarak kwe, Aap ambi nen, “An mbet-mbet neenggi warak eekkolaakit,” mbake kenok perak, aaninggin oba arigin lek lek oba arigin aret o.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Yeremiya 51:12

O Mbaben yugum pak wurik langgunogo puwak nduk, ndiimbu walok eekwi, Wim inoba wundi wogwe iyo, tum logowak nduk piigwi, Pen warit nawak nduk, inaa'nduk nappiigwi, Ku tebembunuk logowak nduk eerogo piigwi, Eeko logowak o. Naliku an ALA eeriyak kooneegirak nogo aret eeke, Ndi, it aakumi o Mbaben wonogwe nogo eeppiyoorak wone lengganogo yoragagirak nogo aret eeke, Eerigin me,

Pelaareegerak 2:35

o kota-kota abok aret tebenogo pereegurak nogo inamindik-inamendek inom, inaanggumi inom, abok aret inagugun waganeegurak nogo o.

Pelaareegerak 20:14

Inoorogo piigo logonet, kumi inom, elege-aabologwe inom, inaanggumi inom, inamindik-inamendek o kota time wonage ti abok aret inom, inagugun kinalitak ko'nok ndi yumunggup o. Kinawim inagugun wogo ti, at Aliku kinogoba Ala nen aret wokkiraagin me, kit aret unde eekkolaamunggup o.

Pelaareegerak 3:2

Wundi wogo mbareegwa, at Aliku ALA nen an yo'nege logonet, Aap Ok eebe inom, at awuri wim eeka ineebe inom, anggween inom, abok aret kat keenggime wokkigirak me, aakumi Amori inowe endagembogut Tikon o Ketibon inarum wonage kagak eeppereegindak nogo ndak-ndak aret eeppumunggun me, at eebe paga kagabiti mbarugun o.

Yotuwa 10:1

At Yotuwa nen o Yeriko inom, aap inendagembogut inom, eeppiyareegerak nogo ndak-ndak, o Ayi kunduk, aap inendagembogut kunduk, togop mban lek eerogo piinok, tebenggolagagerak nogo inom, ndi, it aakumi Nggibeyon mendek aakumi Iterali inom wone mbambunuk, inenggela'me wonogwe nogo inom, aap endagembogut Yerutalem mendek endage Aroniterek nen aruk koneneegerak.

Yotuwa 10:28

Ne ti eyom paga aret at Yotuwa nen o Makera tebenggolage logonet, aap ambit-ambi ineenik teppiyoolik tigitogon inoorogo piige, ndi, o Yeriko aap endagembogut eeppereegerak nogo kwak, aap Makera mendek endagembogut nogo togop aret warogo pege, eereegerak.

Yotuwa 11:14

Ndi, kani pit nogwe iigak, inaanggumi inom, inamindik-inamendek iname wonage inom, abok aret inagugun aakumi Iterali inalitak lombok ko'nok, ndi yogo logonet kwe, aakumi ineebe perak, ineenik ambi teppiyoolik mondok kalirubu pup eerogo inoorogo piyareegwaarak.

Yotuwa 6:21

Tebenggola unggwogo logonet, aap tawe kumi tawe inom, aap inanggok kumi inanggok inom, tapi-ndomba inom, kuda-keledai inom, ineenik nugu menggaarak nogo abok aret wooluwak paga pup eerogo inoorogo piyareegwaarak.

Yotuwa 8:12

Nogo yuwok nduk, eeko logonet, at Yotuwa nen aap wim nambuka ineebe lima ribu negen wogonake nagagerik, o Mbeten arugwan wonage kagak, o Ayi oonegen kilu yi nage menggim pa'nggwe o oolo time enaarak a nawak nduk, nappiyareegerak nogwe iigak,

Yotuwa 8:14

Ndi, ko'lu kuubondendok aap endagembogut o Ayi mendek nogo nen aap ineegin warak Iterali nogo enegen iige nagagerik, it Iterali ando o kota ambokan enaarak wonogwe nogo eenggo'lek logonet, o Araba nonggologo pereegim kobappaga aa'nduk mappiigo nogogwam nogome Iterali inom wim namburuwok nduk, awuri inom abok aret wundi wogogwaarak.

Yotuwa 8:19

Awooluwak nogo awo titik eerogo nappege kagak, it aap wim ku taani nogogwam nogome nen pilak yinuk, wundi wogo nogogwaarik, o kota nogo paga kwi'nari unggwi wogo logonet, mbet-mbet aret o kani pereegwaarak.

Yotuwa 8:24

It ando yabume inom, karume inom, mbaganit nogwe me, nappiigak-wappiigak eerit wooluwak paga abok aret inoorogo piigo nogogwaarik, iniyokan yungguninuk, o Ayi unggwogo logonet, aakumi ando wonogwe nogo inoorogo piyareegwaarak.

Yotuwa 8:3

Yoge mbareegi, at Yotuwa awuri ineegin warak abok aret inom o Ayi inoba kwi'nari ungguwak nduk, at Yotuwa nen aap wim nambuka wakaa'ngget mendek ineebe tiga puluh ribu leenogo piige nagagerik, oonikiya nawak nduk, wone lengganogo yorage logonet,

Yotuwa 8:7

kit ku taanak logomonggotak nogo pilak yogo logomonggotik, o Ayi paga kwi'nari unggwi wogwe kiinok, at Aliku kinogoba Ala nen o ti, kineenggime wokkiraagin o.

Yotuwa 8:8

Wokkirage kenok, inawi kani mbelanogo wumbiigo logonet, Aliku ALA nen eeriyak yokkiragaarak ndak-ndak aret eerumunggup nduk, an wone lengganogo yokkirage yi, liippinip o.”

Yotuwa 8:9

Yorage mbareegi, o Mbeten arugwan wonage kagak, o Ayi oonegen kilu yi nage menggim pa'nggwe o oolo alu'me time aret ku taani nogwe iigak, at Yotuwa nogo aakumi Iterali ando inom time aret nogo yereegerak.

Yotuwa 9:3

Ndi, it aap Nggibeyon mendek perak, Yotuwa nen aakumi o Yeriko mendek inom, o Ayi mendek inom, eeppiyareegerak inaruk konenggo nogogwaarik,